منتديات حبة البركة - المقطع الي ضحكنا كلنا من عفويته وجماله

في لقاء للشيخ عادل العريفي مع أشرف الشريف حكي قصته
قال كان يقوله يا شيخ أني نحب نسمعلك لكن لازم لما نسمعلك نكون شارب وغايب دماغه - نسأل الله العافية .

المهم مرّة عن مرّة الشخص هذا بدي يتغير وكلم الشيخ وقاله كيف ندير ؟
فالشيخ طلب منه يمشي للجامع وينظف الحمامات - أكرمكم الله .
قاله لما الناس تكمل الصلاة أنت خش ونظف في الليل ما يشوفك حد

بدي قلبه يتعلق بالمسجد والفلوس الي كان يصرف فيهم على الشرب بدي يشري بيهم في منظفات للحمام صابون وقومات وغيره
لحد ماقال للشيخ قبل مافيش حاجة أحب ليا من الشرب
وتوا مافيش حاجة أبغض لقلبي من الشرب

بعدها اعطوه يكون قيم الجامع وهو الي يأذن بالناس https://static.xx.fbcdn.net/images/e...1/16/1f49c.png

وبعدها جت الكورونا https://static.xx.fbcdn.net/images/e...1/16/1f9a0.png
مشي للشيخ يبكي ويقوله أني ربي ما يحبنيش
لما تبت وبديت نصلي في الجامع سكرو الجوامع

قاله بالعكس !
قاله من يفتح في الجامع ؟ .. قاله أني
قاله من الي يأذن في الجامع ؟ .. قاله أني
قاله من يصلي بروحه في الجامع ؟ .. قاله أني

قاله ربي لزهم كلهم وخلاك أنت واختارك واصطفاك https://static.xx.fbcdn.net/images/e...1/16/1f49c.png
وهذا لأن ربي علم صدق توبتك وقبلك عنده وفضلك على كثير من خلقه تفضيلًا .

{وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ }https://static.xx.fbcdn.net/images/e...1/16/1f49c.png