منتديات حبة البركة

خلوه يتدلل

يا لايميني لومكم زادني شوق
*** وكل ما تلومني انا اكثر اشتاق

احن له بالسسمع والشوف والذوق
*** ويحن له ظاهر حواسي والاعماق

كل ما يمر اسمه على مسمعي روق
*** وتروق له كل المشاعر وتنساق

واتخيّله عندي ينادمني بذوق
*** ويقول جبار الهوى يلوي اعناق

لا حط جبْروته على قلب مخلوق
*** ساوي المسافه بين رقّه والإعتاق

هذا انا مثلك من الشوق محروق
*** ومن السهر ليلي تساوى بالاشراق

لك عندي حقوقٍ ولي عندك حقوق
*** لوّ الظروف تجي على كيف عِشاق

واذوب كلي في كلامه ولا فْوق
*** إلاّ ودمعي فوق الاوجان دفاق

حالي مثل من بالعطش بات مخنوق
*** يحلم بشرب الما وهو مِنْه ماذاق

هواه يسري في شرايين وعروق
*** تتلذذه روحي وهو جاير وشاق

وقول يستاهل أسيّل له الموق
*** وابكي على شانه الى حد الاغراق

دامه مغرّقني بحبه وموثوق
*** عهده مَعي لو طآحت السبعه أطباق

خلوه يتدلل على الراس من فوق
*** ما بغي مداوي من غرامه ولا راق

العمر لو يهديه عاشق لمعشوق
*** اهديت له عمري وروحي والاحداق

هوَّ الوحيد اللّي به القلب معلوق
*** واللّي قدر ياخذ حناياي معلاق

اتسمّعه في كل همسه ومنطوق
*** واتصوره في كل ما للنظر لاق

مهما عذلتوني عليه الغلا طوق
*** إلاّ تزيدوني على شوقي اشواق

ولو تعرفوا في غيبته لذة الشوق
*** ما كان تتمنوا لنا لحظة فْراق

بقلم الشاعر عبدالله صالح العمري