منتديات حبة البركة - ألا يالله اني طالبن طاعتـك ورضـاك-شيلة الغربه2015-فهد مطر

ألا يالله اني طالبن طاعتـك ورضـاك
وعلمٍ لياذكـرو هـل الخيـر نذكربـه
أنا في رجا عطفك وانا ملتجي لحماك
تفرج هموم القلـب يافـارج الكربـه
ليا ذعذع الغربي وحرك غصون الراك
وناح الحمام وعالي الصوت يجهربـه
تنهت مثل المضرم اللي لقـا التمبـاك
تنهت صويبٍ مونـسٍ لكـزة الحربـه
أجاوب حمام الورق يالايمـي عسـاك
يحدك زمانك يم مـن لا تبـي قربـه
ذليل ليا جيتـه خجـول تعـد خطـاك
تلزا وقلبـك واهـج النـار يسعربـه
ألا ياحمام الـورق هيضتنـي بغنـاك
مع الهم والغربـال والبعـد والغربـه
ألا ياحمام الورق ماشفـت ولا جـاك
ترى ينفـع المهمـوم علـمٍ يبشربـه
عن الدار واهل الدار والسر مايخفـاك
غريبٍ تحداه الزمـان وقلـع سربـه
منول يجوز العذر للي يـروح هنـاك
وانا اليوم مالي عذر ويـش اتعذربـه
مسكها حكيم الراي وان دارت الأفلاك
وقاد السفينه واشرق النور مع دربـه

شيلة الغربة / اداء فهد مطر
كلمات رشيد الزلامي

https://www.youtube.com/watch?v=u0lcrv665EM