منتديات حبة البركة - 💊 المارافاريوكس ( Maraviroc)

💊 المارافاريوكس ( Maraviroc )

🏭 الشركه المنتجه ......
الدواء من انتاج شركه Pfizer العالميه . في الاساس اتعمل لعلاج فيروس ( HIV ) عن طريق منع دخول الفيروس للخلايا . لكن في التصلب المتعدد اتجرب بشكل غير معتمد رسميًا ( off - label )
--- 👇🖖
⚙️ اليه العمل ......
المارافاريوكس بيشتغل على مستقبل مناعي اسمه CCR5 .
لما يمنع المستقبل ده . بيقلل حركه بعض الخلايا المناعيه ناحيه المخ . وده ممكن يخفف من الالتهابات اللي بتحصل بعد ايقاف دواء ناتاليزوماب ( خاصه في حالات خطيره زي PML - IRIS ) .
--- 👈👇🖖
💉 طريقه الاعطاء ......
* اقراص بتتاخد عن طريق الفم .

* الجرعات بتتحدد حسب الحاله ورأي الطبيب .

☀️ في مرضى التصلب المتعدد . استخدامه كان تجريبي وتحت اشراف دقيق في مراكز متخصصه .
--- 👈👇🖖☝️
⚠️ التحذيرات .......
# ممكن يعمل مشاكل في الكبد ( لازم متابعه التحاليل ) .

# زي اي دواء بيأثر على المناعه : خطر عدوى موجود .

# مش كل المرضى استفادوا منه . وبعض الحالات ما ظهرش فرق الا بعد اللجوء للكورتيزون .
--- 👈👇🖖☝️👉
📌 ملاحظات سريعه ........
✨ لسه تحت الدراسه . ومفيش موافقات كبيره لعلاج ال MS به .

✨ نتايجه متضاربه : نجح مع بعض المرضى . وما نفعش مع اخرين .

✨ استخدامه لازم يكون تحت اشراف طبيب متخصص جدًا .

المعلومات و البحث للأستاذ أحمد عصام