ما شاء الله الم الجسم ما يروح مع الثوم من اول كوب لازم تشربي كم كوب وبيستمر شوي بعدين يختفي بس العين تبان والله ثم والله ثم والله من اول كوب تشوفين الغشاوة تنقشع كانها ضباب من عيونك

ذوبي عسل بمويه دافيه واشربيه واشربي شاي اخضر مع الزنجبيل ساعدي جسمك يتخلص من من المادة اللي تكونت من اتحاد الزئبق والكبريت ..

عاد اليوم عاودني ضيق التنفس وشئ من الإكتئاب هذا الصباح لكن مشيت بالهواء الطلق بسطوح المنزل

هدئت اعصابي كثيراً

احياناً اسأل ل نفسي ان كان ما اقوم به سليماً لكني متوكله على الله

عاد الوخز والخدر لقدماي وتأذيت نوعاً ما لكن لا بأس ^^

اهلين يا قلبي لا ولا يهمك

اصلاً انا الآن بفترة انتظار ^^

كلها كم يوم واروح المستشفى اتمنى يكون استنتاجي صحيح اتمنى من كل قلبي كدا

باقي كم يوم وانهي الأسبوع واروح اسوي الفحص وراح ارجع للرجيم والثوم ثاني

لا تخافي علي بس ادعيلي

اليوم الثالث على فك الرجيم

شعرت بالآلم في اماكن متفرقه بجسمي وبدت اصابع يدي كما لو انها شبه مخشبه احركها بصعوبه

لا تقلقوا احضرت قطعة المساج

http://www.yves-rocher.fr/images/cat...zoom/63438.jpg
ودهنت يدي والأماكن اللي تعورني بزيت حبة البركة و مساج خفيف بالضغط وكل شي رجع طبيعي الحمد لله

بس اتوقع اني بسوي الفحص قبل الأسبوع لأني بديت اتقلب بمزاجي كمان والأعراض لسى ملازمتني

الله يستر يااارب تكون ظنوني بمحلها واتعافى من المرض بسرعه

مرسي كتير ^^

وانا ادعيلكم كلكم بالشفاء العاجل بأذن الله

تسلمين يا قلبي^^

بصراحه بديت اشعر ببعض الألم بالقرب من القلب لا اعرف لماذا ؟! يمكن نقص الفيتامينات

مع اني فاكه الرجيم واكل كل شي واشرب حليب غريبه ؟

اليوم الرابع

وبدئت ابحث عن مختبرات تجري تحليل الزئبق مكتوب بالنت ان تحليل الشعر اكثر تحليل موثوق لكن لن اجريه

اولاً لأني اغسل شعري يومياً بخليط من خل التفاح والشامبو ليعمل كمضاد اكسدة فلا بد انه اخرج جزء كبير من الزئبق بالشعر

ثانياً لا يوجد اي مختبر او مستشفى بجده يقوم بفحص الزئبق باستخدام عينات الشعر

مالي الا فحص الزئبق بالبول او الدم

وبحثت بالمستشفيات الكبيرة ولم اجد مستشفي يفحص نسبة الزئبق

جربنا المختبرات لقيت مختبر البرج ( الفرع اللي بالرياض ياخذون شعرك ويرسلونه لأمانيا بالخارج ويسون التحاليل ويجيبولك النتيجة عن طريق الفيدكس كله 960ريال) فرعهم اللي بجده نفس السعر بس الزئبق بالدم ونفس النظام يرسلونه للخارج..

آخر حل كان مركز السموم بجدة اتصلت عليهم وصبح وطبعاً ما ينفع الا تتحيلي لأنهم ماراح يتفهمون موقفك فقلت ان انكسر التيرمو متر بفمي وبلعت شوية زئبق واثر علي وابي اسوي فحصوات.. ولفتك يا مستشفيات الحكومة جيبي تحويل.. من مستوصف او مستشفى حكومي..

دايركت لبست عبايتي وعلى المستوصف و اووووووووووووففف الدكتوره كريهة .. كنت فعلاً تعبانه وقلت لها عيوني فيها غوش وما اشوف زين كتبت تحويلة على مستشفى العيون والحالة عادية ... اجل الطوارئ عندها كيف وقايلتلها صايره تجيني اعراض بعد شرب الزئبق تقول هذي نفسيه لأنك خايفه ؟؟ وجع وش القلب ... المهم ما فيا اتخانق.. طلعت للمدير والله انسان متفهم وكلمته حتى على اعراض الأم اس من نفسه قال لو نسبة الزئبق طلعت عادية تعالي احولك لدكتور اعصاب وسوالي تحليل الدم الغريبة الهيموغلوبين عندي طلع 10 مع اني اكل كل شي وأكل تمر واكثر تمر ... الا احتمال ان الأكل الممنوع لعب دور .. المهم المستوصف ما عندهم صلاحية لتحويل لمركز السموم فحولني بورقه مستعجله لدكتور الباطنيه وهناك يحولني لمركز السموم ...

كيف لو الواحد بلع زئبق عنجد حيموت قبل لا يسوي الفحص ..

المهم كنت بروح الجامعة اليوم وما مداني تقريباً 4 ساعات بالمستشفى ماطلعت الا وحده الظهر..

اليوم الخامس

لم اتحمل الألم والصداع بصراحة عدت الى الثوم

ورغم انني ااكل كل شئ عادي وصل هبوط الضغط عندي الى 51 تحت 94 مره نازل و هيموجلوبين 10 منجد غريبه مع الحمية كانت حالتي الصحية افضل ..

اليوم طبعاً اخدت التحويلة والى المستشفى

ولا ادري ايش اهي مشكلة الطبيبات السعوديات بصراحه للمرة الثانية الدكتورة تهمل حالتي رغم اني اقلها تسمم زئبق بس مصره خلي الباطنية يشوفك و الموعد بعد شهر للمرة الثانية اذهب الى المدير واتصل بالطبيب المختص ينزل لي تحت واجروا فحصوات عاديه وموعدي مع العيادة تبع السموم بعد يومين ...

من شهر ليومين والله اكره مستشفيات الحكومة لو الفحص ميسر هنا بجدة في الخاص لكان سويته وريحت راسي من غلبتهم ودلع الدكتورات ...

اهم شي لسى مخربه الحمية بس بعقل ... واكل ثوم خفف عني كثيييييييييييير من الألم ...
بس قبل الفحص لا زمن ما اكله ليومين اقلها ..

طيب يا حلوين هذا عندي لليوم وسلامتكم ..