|
شكرا كتيرررررررررررررررررررر
حبيت يكون لاول موضوع إلي اني اشكرك دكتور محمد لأنك صلحتلي كمبيوتري ياااااااااااااي والله مامصدقة رجع جديد ومتل الصاروخ ماشاء الله ماشاء الله خايفة احسد حالي والله ما مصدقة انه هايدا كمبيوتري شو عملت فيه هيك
الله يحميك يارب دكتور محمد بس البابا زعل منك لأنك ماشربت لاقهوة ولا شي بس انا سامحتك لأني قدرت ظروفك الله يحيميلك شبابك ماشاء الله عليك كتير جنتل وأنيق وبتجنن الله يحميك يارب بصراحة ما تخيلت تكون هيك الله يحميك يارب البابا كتير اعجب فيك واليوم ما عنده سيرة غيرك بتعرف دكتور حاسة حالي انا كمان اتصلحت لما صحلت لي كمبيوتري ياالله شو فرحانة اديش صار سريع الله يحميه دكتور بس في شغلة مبارح ضبت معي مرة وحد وهلأ حاولت وما عم تضبط كيف بقدر اكتب متل خطك هيك عريض ولونه ازرق معليش حابة لون خطك يلي بتكتب فيه اني انا كمان اكتب فيه لو ما بتزعل يعني لك مبارح ظبتت معي مرة وحدة وماعادت ظبتت معي ولا مرة بعرف طلباتي كتيرة سامحني دكتور اي صحيح بتسلم علي الماما وزعلت لأنها ماشافت لأن البابا قد ما حكالها عنك صار هي كمان حابة تشوفك الله يحميك |
يا عمري انااا اشعر بقراءتي لكلماتك بالصدق والبراءه ربي يحميك ويشفيكي ويشفينااااااا اااامين حبيبتي انتي اخي محمد ما في منو ابداااا انسان بكل معنى الكلمه ربي يحميه ويشفي زوجتوا ويفرح بابنواااا يارب عزيزتي منشان الخط ... بوقت وضع موضوع او الرد على الموضوع في كلمة الاحجام الي بتحدد حجم الخط اماااا اللون في حرف a وقت ما تضغطي عليه بتختاري اللون الي بدك اياه ....... ونحنااا معك عزيزتي لنعرفك اكثررر على بيتنااا الدافي ®®®®®®®®® |
اهلا وسهلا فيكي اختنا ريم معنا بالمنتدى
وانا هالاسم كتيييييييييييير غالي علي؟؟؟؟ اختي اسمها ريم .... |
أختي ريم أشكرك جزيل الشكر وبصراحة أنتي التي خجلتيني بوصفك إلي وأنا لا أستحق كل هذا الوصف و أنا مش دكتور البارحة قلتلكم بس يمكن نسيتي أنا موظف عادي وبسيط جدا وأنا يلي فرحان لأن مشكلت الكمبيوتر انحلت وفعلا ليس عندي وقت خاصة في الأمس لظروفي العائلية وسلمي لي على السيد الوالد والسيدة الوالدة وأخبريهم أن عندهم ملاك متلك الله يحيميكي ويشفيكي يا أختي يا ريم وترجعي لجامعتك متل ما قالت لك أختنا العزيزة هنيدة ونشوفك عروس كمان الله كريم يا أختي وما في أكرم منه وما في حد حاسس فينا أكتر من ربنا يلي هو خلقنا الله يفرجها علينا جميعا آميـــن يارب بخصوص الخط الأزرق -1- أول خطة علمي على النص يلي كتبتيه أو على الكلمات يلي بدك تغيري حجمها ولونها -2- بأعلى مكان كتابة الموضوع رح تلاقي حرف a اضغطي عليه واختاري اللون يلي بتحبيه أزرق أحمر أي شي بتحبيه ورح يتغير لون الكلمات يلي علمتي عليها -3- وبعدين جنب حرف الـ a رح بتلافي سهم إتجاهه للأسفل اكبسي عليه واختاري رقم وكل ما اخترتي رقم أكبر كل ما كبر حجم الكلمات يلي علمتيهم في البداية أكتر وما رح أزعل أبدا انشاء الله تستعملي نفس خطي وطريقتي بالكتابة ليش لحتى أزعل لا تشيلي هم أبدا اعملي يلي بيريحك وفي شغلة لا تفتكري جهازك خرب أو شي لو شفتي موضوعك منقول لأن القسم الإداري في الموقع نقله لمحله الصحيح بس فلا تخافي أبدا بالتوفيق يا أختي |
يا سلام هلق راح غار من سرعة جهازك عزيزتي ريم ههههههههههه الحمد لله انك قابلتي مشرفنا محمد و اطمن قلبك تأكدي انك معنا بخير و أمان إن شاء الله الله يسعدك |
ييييييييييي شو انك طيب استاذ محمد هلأ شو بدي ناديك والله شي بيحير يعني شو بقول استاذ محمد ولا شو لازم قول منشان ماتزعل وانا لما قلت انك جتل انا ما عم اوصفك استاذ لأنك انت عن جد كتير جنتل وحلو الله يحميك هيك رأي البابا وأخي الصغير كمان حتى اليوم أخي الصغير قال ياريت يطلع متلك هيك كمان الله يحميك استاذ محمد هلأ رح جرب يلي علمتني ياه منشان الخط الأزرق أنا كتير بحب الأزرق بتعرف بدي اعترفلك جملتك لما قلت ان ربنا كريم ومافي اكرم منه وان رح صير عروس هالجملة بكيت عليها شي نص ساعة وما بإيدي وخاصة لمتا قلت ان ماحد حاسس فينا خير رب العالمين
استاذ محمد رح ادعي ربنا يشفي مرتك حاسة بمشاعرك الرقيقة استاذ محمد ممكن روح هلأ لأني بدي جرب اللون الأزرق ادعولي تظبط |
شو صار هيك ييييييييي خربت الدنيا هلأ كلشي كتبت ما صار أزرق غير حرف الواو شو الغلط ياترى وليش كل هالأد الخط كبير هيك استاذ محمد ليكون خرب الكمبيوتر مرة تانية معئول لأ لأ في شي تاني علط لأن الكمبيوتر لسا سريع ماشاء الله والله حاسة جهازي صار جديد كأني هلأ مشتريته ياريت فيك تشفيني أنا متل ماشفيت الكمبيوتر هأ رح جرب أخلي الخط يصير ازرق يلا ادعولي
|
|
حبيبتي مجموعة انسان كتبتلك بهداك القسم بس مارديتي ياريت تساعديني شكلي خربت الدنيا وبدي اطلب منك تقولي رأيك باستاذ محمد بزمتك هو حلو كتير وجنتل ولا لأ قولي الحقيقة لأن هو عم يقول أنا مبالغة مع ان البابا واخي الصغير كمان قالوا عليه كتير جنتل وحلو الله يحميه ماشاء الله الله أكبر من عيني وعين خلق الله عليك يا استاذ محمد قولي حبيبتي شو بدي اعمل هلأ انا خربت الدنيا وخايفة يطردوني من الموقع شو بدي سوي هلأ الله يخليكي كتير متلبكة انا بسرعة شو بسوي قولولي
|
حبيبتي ريم ما تخافي مستحيل نطردك من المنتدى هذا بيتك الثاني ونحنا عائلتك بفهم ما بتعرف بالكمبيوتر و شكلك مشتركة لأول مرة في منتدى راح تتعلمي بس روقي شوي ما بتعرفي بيرجعلك مشرفنا محمد و يعلمك |
اقتباس:
حبيبتي ريم أكتبي كلامك عادي و بعدين إضغطي عليه من البداية الى آخر كلامك بالزر الأيمن من الماوس ابقي ضاغط عليه حتى ضللي كل الكلام و بعدين اضغطي على السهم اللي في حرف اي اضغطي على السهم لتبين عندك الألوان اختاري اللون اللي بتحبيه و بعدين اعتمد المشاركة الله يوفقك |
حبيبتي مجموعة انسان انا جربت هيك بس احيانا بيعلم على الكلمات واحيانا مابقدر استمر ضاغطة على الماوس كتير بتنمي إيدي سامحيني حبيبتي لان جسمي ضعيف ومخي صغير الله يشفيني ويشفيكم بتعرفي حبيبتي انا كتير فرحت انكم ما طردتوني وليش الاساتاذ محمد مادخل لهلأ انا من سنتين لورا كنت كتير ذكية حاسة حالي سنة مع سنة عم يصغر مخي يارب اشفيني قبل ما يصير مخي صغير يكتير بعدين يدوب لا سمح الله الله يشفينا كلنا يارب صحيح نسيت اقلك اني المشاركة يلي كتبتها من شوي قدرت اعلم على كل الكتابة وصارت زرقة الحمد لله بس الخط طلع صغير يلا احسن من ولا شي حبيبتي انتي شو اسمك انا كتير حبيتك حاسة انك رقيقة كتير وحلوة كمان الله يحميكي انتي متزوجة حبيبتي ولا متلي لسا بعدك عزباء انا مازعلاني اني عزباء ابدا وبعرف الله بس يشفيني رح يزقني انسان كتير كتير كويس متل ما بحلم فيه لأني كتير بدعي وببكي لربي وبقول له اني فرحانة بالمرض يلي هداني ياه وبطلب منه يصبرني بس ياريت ماموت لحتى يفرحوا اهلي فيني اول لأن والله حاسة بهمهم علي يمكن لوكانوا هم المريضين لا سمح الله ما كانوا شالوا هم متل ماشايلينوا عليي انا وخاصة الماما كتير بتكتشف انها بتبكي بغرفتها ولما بتشوفي بتضمني وبتبكي اكتر وبتقول لي حبيبي انتي ربنا رح يعوضك أحسن تعويض بالدنيا وبالأخرة رح تنسي رح يكرمك كرم عظيم
الحمد لله ياربي ألف الحمد لله بس مابدي مخي يصغر اكتر من هيك بخاف لخبط اكتر وانسى اكتر متل ماصار فيني من ستة شهور لما نسيت مين انا وصرت اسأل البابا عن اسم حالي وافتكرت البابا دكتور |
أختي الصغيرة ريم آسف على تأخري بالرد لأني كنت تعبا جدا بالأمس وصاير نومي قليل الله بيعين إن شاء الله أول شي لا تخافي ماحد رح يطردك لأن ما حد بيطرد فرد من عيلته وأنت هلأ جزء من عائلتنا المتواضعة تاني شي بالنسبة للون الأزرق مافي داعي تعلمي عليهم بالماوس لو عم تنمل إيدك اضغطي زر Ctrl + A فبتلاقي تعلم كل النص وفضل عليكي تختاري اللون وحجم الخط وهيك أسهل عليكي ثالث شي الله يحفظلك أهلك يا أختي أنا حاسس فيهم تمام الإحساس بس بدنا ياكي تكوني قوية ولا تبكي لأنك رح تبكينا بإسلوبك الحساس ومتل ما انتي قلتي ان الله بيحبنا وهو يلي أهدانا هالمرض فخليكي مؤمنة بهالجملة وبعدين مخك رح يكبر أكتر وأكتر إن شاء الله بتعرفي أختي .. زوجتي حالتها قريبة كتير على حالتك الله يشفيها ويشفيكي ويشفي الجميع آميـــن ولهيك لا بقى تقولي مخي صغير لأن رح تأثر على نفسيتك وبصراحة أنا عتبي على الدكتور يلي قال لك هالجملة سامحه الله لأن الإنسان العادي ممكن يصير مريض لو سمع هيك جملة عن حاله المهم انسي هالجمة وكوني على يقين بقدرة ربنا وما رح تكوني غير مبسوطة إن شاء الله وكلنا معك من اليوم ورايح ومارح تكوني وحيدة أبدا |
ريم ما تحكي على حالك هيك ابدااااا ابداااااااا انتي احلى ورده وقلبك ابيض كمان وشوي شوي بتعتادي على المنتدى وبتتعلمي اكثرررررررررررررر وبتسيري شاطره اكثررر مننننااااا كمان نحنااا ما بنطرد ابدااا الناس الطيبه ابدا وانتي رائعه وطيبه كثيررررررر |
مين يلي دلك على هالمنتدى يا حلوة ؟
|
ييييييييييييييي هلأ كل ما بطلع من الموقع كلكم بتجوا كلكم نمت شوي لأني نعسانة يالله شو حظي تعبان مهندس سعد الله يحميك يارب والبابا هو يلي دلني على موقعكم وكنت اتفرج عليكم من بعيد لبعيد والبابا هو يلي ساعدني حتى اشترك معكم وخاصة لما من كم يوم حاولنا نشوف مشاركتكم وطلعلنا ان مابيقدر نشوف شي لحتى نشترك وهيك واشتركلي البابا فيه الله يحميه لأني حاولت اشترك انا بس ما ظبت معي الاشتراك انا كنت مفتكرة ان انت والساتاذمحمد شخص واحد انا ىسفة مرة تانية وكتير تلخبطت اول اشتراكي لحتى فهمت بالأخير يا مهندس سعد وانا ماحلوة ولا شي كيف بدي صير حلوة وانا مافيني امشي ومخي صغير استاذ محمد هلأ رح جرب يلي علمتني لحتى اكتب بخط ازرق وخلص من اليوم رح اوعدكم ان مخي مارح يصغر بس ياريت هو يسمع الكلمة وما يصغر عن جد لأن الدكتور قال رح يصغر يعني رح يصغر
|
عزيزتي ريم ما بحب اسمع هل الكلام لازم انتي تكوني غير الكل بشخصيتك القويه وبحبك لنفسك اولااااا ما تقولي عقلك صغير لانوا هل الكلام مو صح ابداااااا ليش ؟؟؟؟ لانك عم تتكلمي معناااا وتكتبيلناااا كمان فاكيد الي عقلهاا صغير ما بتقدر على هل الشي ابداااا كمان عزيزتي انتي كثير حلوي موضروري حلاة الجسم وانما الرووووح الطيبه انتي لازم تكوني غير كثيررر وتكوني دائماا واثقه بحالك اكثررر ونحنااا معك وجنبك على طول ®®®®®®®®® |
اقتباس:
والله يقويكي اكتر واكتر توكلي عربنا سبحانه.......قادر على كل شيء ومعلش قليلو لدكتورك ؟؟؟ بس سؤال؟؟ ليش عقلي صغر ؟؟؟ هل من التصلب ؟؟؟ وبعدين ؟؟ الله يحميكي انتي حاسة بشي غيراعراض التصلب؟؟ طولت عليكي !!!!!!!!!! الله يشفيكي ويشفينا جميع انشالله وماذلك على الله بعزيز®®®®®®®®®®®®®®®®® |
حبيبتي زبطت معك وكتبتي باللون الأزرق وحجم الخط كبير بدي قلك شغلة من أول كلامك و انتي بتقولي الدكتور قلك مخك بيصغر ما سمعت هالعبارة من قبل يمكن يقول الذاكرة بتضعف و الإدراك و الوعي بس مو المخ بيصغر هي أول مرة بسمعها بطلب منك تنسي هالكلام وما تردديه و بعون الله بترجعي ريم أقوى من قبل خلي أملك بالله كبير ( همسة في أذنك : الإبر بدمر المناعة و بحذرك منها و صدقيني ما منها فايدة ) |
حبيبتي مجموعة انسان رح حاول انسى يلي قاله الدكتور بس ان شاء الله ما يغر مخي عن جد وبتعرفي شغلة من اربع سنين وانا باخذ الابر لو بتفيد عن جد ماكنت صرت هيك على الكرسي وحالتي حالة وتنميل ونظري تعبان وماببلع منيح يعني هالإبر متل قلتها مع في وحدة تانية غيري اخدت الإبر والله ماشاء الله عليها ارتاحت كتير كتير تعرفت عليها بالمستشفى بس انا ما عملوا معي شي الإبر يمكن ربنا لسا ما آذن بشفائي ألف حمد إلك ياربي والبابا مصر اني استمر على الإبر لأن مافي شي غيره لهالمرض بتعرفي احيانا والله يسامحني على هالشغلة بتمنى حالي موت لحتى أريح أهلي من همهم عليي وخوفهم وتحملهم إلي ياحرام شايفتهم عم يتعذبوا لما بيشوفوني بس هم ما بيخلوني احس منشان ما انزعج انا
الله يحميلي ياهم ويارب يشفيني لحتى أعوضهم وافرحهم |
سلامتك ألف سلامة عزيزتي لا تفكري هيك راح تشفي و ترجعلك صحتك و ترجعي ريم زمان أبوكي لو بيعرف حقيقة هالإبر كان وقفها عنك الله يهديه |
الله يحميكي يا ريم ويخليلك اهلك يارب وتشوفيهم مبسوطين كمان بتحسنك اكثر واكثررر حبيبتي اهم شي ما تشغلي فكرك ونفسيتك وان شاء الله كلشي بصيررررررر تمام ريم عمرك قديش ؟؟؟؟؟ |
اقتباس:
--®®®®®®®®®-- |
احكي معها استاذ سعد شكلها اتبرمجت على كلام الدكتور المدمر الله يسامحوا يا بنتي شليه من راسك بليز |
آسفة اخ سعد هلأ يمكن انا حلوة بس شو فائدة شكلي الحلو إذا لا بمشي وحالتي حالة وكل شوي بنمل ونظري ضعيف وماببلع منيح فعلو شو انا حلو ما فيني شي حلو غير وجهي وإذا صغر المخ حتى الوجه كمان رح يصير بشع معلش لا تزعلوا عليي انا مبسوطة بقضاء ربنا بس ياريت البابا يرجع لي الموبايل بس هو خايف يرجعه واسوي مشاكل متل قبل حبيبتي مجموعة انسان ماقلتي لي شو اسمك انا كتير حبيتك خليني احذر يا أما ميادة او رنا او منال او جمانة او دردل او سمية او سليمة شو حزرت صح اكيد واحد منهم اسمك بتعرفي انا كتير حبيتك انتي وهنيدة يلي ماعرفت شو بيعني اسمها لهلأ بس عنجد حبيتكم كتير وكمان اخي المهندس سعد كتير حبوب ودمه خفيف بس الاستاذ محمد وينه لهلأ ما بين ان شاء الله يكون بخير يارب
|
حبيبتي و أنا حبيتك قولي مجموعة انسان و بس و انتِ حلوة ولا تعودي تفكري بمسألة المخ صغر و الا راح ازعل منك |
احبكي الله كما أحببتيني ىسفة شكلي احرجتك وانتي مابتحبي تقولي اسمك سامحيني خلص رح ناديكي مجموعة انسان متل مابتحبي حبيبتي وبوعدك مارح فكر بمخي الصغير رح احاول
|
اقتباس:
--®®®®®®®®®-- |
يالله منك اخي المهندس سعد بتعرف الاستاذ محمد جاب للبابا قنينتين زيت هدية وقت راح البابا ليجب الكمبيوتر من عنده لما صلحه الله يكثر من أمثاله كل على بعضه الاستاذ محمد بيجنن شخصية واخلاق ولباقة وزوق الله يحميه من عيني ودله للبابا على محل الزيت ووين ببيعوه والبابا قبل ما يخلصوا يلي عندي رح يشتري لي بس انا ماحاسة حالي عم بستفيد لا من تاكت ولا من هايدا التاني زيت هداني الجديد يمكن لأني لسا مبلشة فيه
|
قليل من الصبر عزيزتي ريم ®®®®®®®®® |
أختي ريم مثل ما قال لك أخي سعد قليل من الصبر وإن شاء الله خير ولا تنسي الدعاء والصلاة في جوف الليل وكلنا رح نزعل منك لو جبت سيرة المخ الصغير ولا بقى تناديني استاذ نحنا كلنا هنا أخوة يا أختي ريم الله يحفظك سلامي للأهل |
يييييي استاذ محمد وصلت الحمد لله على سلامتك وخلص انا وعدت مجموعة انسان اني ما جيب سيرة العقل الصغير لانها رح تزعل مني بعدين البابا بيسلم عليكم كمان والله ما بقدر قول غير استاذ وشايفتها قليلة عليكم انت والمهندس سعد هلا شوف شوف كيف صرت عم سوي اللون أزرق وشوي شوي بتعلم شغلات تانية الله يحميكم يارب
|
| الساعة الآن 09:01 PM. |
Powered by vBulletin
Copyright ©2000 - 2024