|
قدرة الله
مها ابو عوف 15 سنة تقول و انا بلف علئ الدكاتره عشان احاول اخلف ... لفيت العالم روحت ايطاليا و امريكا و سويسرا و فرنسا و دول تانية كتير ... ده انا حتئ حاولت اعمل اطفال انابيب بس للاسف حتي دي منفعتش و الدكاتره في الاخر نصحوني اني انسئ موضوع الحمل خالص ... فكرت اتبنئ طفل مع اني كان نفسي في حاجه مني حته مني قالولي في امريكا هنشيل لك الرحم عشان ميحصلش حمل كاذب و ده فعلا مرض حقيقي و مش سهل و مع ذلك رفضت و بعدها رجعت علي مصر و سلمت امري لله و قولت لنفسي خلاص ده قدر ربنا و مكتوب و ربنا مش كاتبلي اني ابقي ام و اخلف لحد ما يوم حسيت بمغص جامد اوي و تعبت بس ساعتها كبرت دماغي مهتمتش .. و لما لقيت الوجع زاد روحت المستشفى و بعد ما الدكاتره كشفو عليا لقيتهم في حالت ذهول و علامات التعجب علي وشهم و طلبو مني تحاليل انا كل اللي جه في دماغي ساعتها انهم لقو حاجة وحشه لقدر الله بس بعد شوي لقيت الدكتور جاي بيقولي مبروك انتي حامل ... طبعا انا مصدقتش نفسي من الفرحه و مكنتش مصدقه وداني ... لقيت الدكتور بيكررها لي ... ايوه زي ما سمعتي انتي حامل ... جاتلي حالة فرح هستيري ...كان ساعتها معايا ولاد اختي من كتر الفرحة نسيتهم في المستشفي و جريت علي بيت اختي افرحها .. بعد ما روحت لها بشوية بتسالني فين الولاد قولتلها نسيتهم هناك و لما رجعنا تاني المستشفي عشان نجيبهم لقيت الدكتور بيقولي جمله عمري ما هنساها ابدا ... قالي انتي علمتيني مقولش لواحده انها مش هتخلف ..و فعلا اذا اراد الله شيء قال له كن فيكون . https://scontent.fcmn2-1.fna.fbcdn.n...42&oe=6139903A |
| الساعة الآن 08:48 AM. |
Powered by vBulletin
Copyright ©2000 - 2024