منتديات حبة البركة - يروح .. مرخوص

ما قول ظالم ولا خاين ولا غدار
***** الفاظ فضه وانا ما حب طاريها

من طبعي أوجد .. لمن عاداني الاعذار
***** كيف الذي بالغلا روحي يداريها

حاشاه يغدر .. وانا حاشاي.. اذمّ اخيار
***** وحاشا اني أنزل .. إلى العذال اجاريها

يروح مرخوص .. ما بيني وبينه ثار
***** والله يسهّل عليه ادروب ساريها

يمكن انا خطيت في حقّه .. واذا ماصار
***** مني خطا .. زلّته بالصفّح شاريها

مادام ماشي عليه من الذنوب اخطار
***** قلبي سفينه .. وعشقي له صواريها

يا ليتني له .. سحابه .. أو ظلال اشجار
***** لا حرة الشمس عن زوله أواريها

الغالي اللي .. من النسمه عليه أغار
***** وبغيبته تعلن أحشآائي طواريها

لكن اذا راح ما بارجّعه بجبار
***** وان وقّف الدّم بعروقي مجاريها

باشيل همّي بصدري وان توقّد نا ر
***** مشاعري طِيبْ والأرياح ذاريها

باعطّر الكون من ذِكْره وَلَهْ واشعار
***** واجعل عيون المدن .. تذرف عباريها

ماني معبّر حكاية ذل واستكبار
***** نفسي عزيزه وعفتّها سواريها

لكنّي أصبر واردّ الأمر للاقدار
***** وقول سبحان رب العرش جاريها

قلوب خَلْقِهْ بيّده والقلوب اسرار
***** مثل الذواري تِقَلّبْ في براريها

وان كان قلبه تغيّر وابتدا مشوار
***** رسالتي يفهم المطموس قاريها

ودعته الله لا قاسي ولا جبار
***** والنفس ما تخرج إلاّ بذن باريها

ما أعجبني للشاعر عبد الله صالح العمري