منتديات حبة البركة - الشعب الذي يأكل كل شيء فاضل بس الجزار

إحنا الشعب الوحيد علي وجه البسيطة اللي بيآكل لحمة الدبيحة كلها ومش بيسيب منها ولا فتفوتة
بنآكل المعدة .. وبنقول عليها كرشة
وبنآكل الرئتين .. وبنقول عليهم فشة
وبنآكل البنكرياس .. ونقول عليه طحال
ونآكل القلب والكبد والمخ والكليتين .. ونقول عليهم حلويات
ونآكل الفكين والجبهة والودان واللسان والمناخير كمان .. ونقول عليهم لحمة رآس
ونآكل القصبة الهوائية .. ونقول عليها زور
ونآكل القفص الصدري .. ونقول عليه ريش
ونآكل الركب والأرجل .. ونقول عليها كوارع
ونآكل الأثني عشر .. ونقول عليها أم اللفاليف
ونآكل الدهن .. ونقول عليه سمين
ونحاول ننضف الأمعاء الرفيعة ونقطعها فتافيت ونآكلها .. ونقول عليها تقاطيع
والأمعاء الغليظة نشيل الجلة من جواها ونحشيها رز ونآكلها .. ونقول عليها ممبار
والعضم بنغليه في مياه ونشرب المياه .. ونقول عليها شوربة عجب
ونشفط الحاجات اللي جوة العضم .. ونقول عليها نخاع
والعضم بنغليه في ماء ونأكل كل ما علق به .. ونقول عليه مواسير
والغضاريف برضو مش بنسيبها .. بنقرقشها ونقول عليها قراقيش
والديل كمان بنآكله .. ونقول عليه عكاوي
واللي بيفضل بنفرمه ونضيف عليه حاجات ومحتاجات ونآكله .. ونقول عليه حواوشي وسجق وبسطرمة
والجلد بندبغه ونقول عليه مفرش ..الشئ الوحيد اللي
بنسيبه هو الجزار نفسه وممكن يجي يوم وناكله هو كمان...