جاءت ابنتي اليوم لزيارتي وهي حزينه جدا جدا فقد سرقوا ايميلها وتقول : "الايميل فيه كل رسائل صديقاتي كيف استرجعها يارب؟ .. اكيد الهكرز سرقوا ايميلي".®™®™®™®™
حاولت استرداده ،وانا بجوارها،عن طريق المساعده من الهوتميل لكن سالوها سؤال: ما اسم صديقتك؟ ... شيء كهذا لكنها نسيت ماذا كتبت

فهل من حل لاسترداد الايميل المسروق؟ِ87f

®℠®℠®&#8

بحس في بنتك أخي
شوف هالموضوع ..

السلام عليكم ورحمة الله وبركاته

شرح طريقة استرجاع الايميل المسروق خطوه خطوه .. من اعداد الاخ ولد الكويت .. وصلتني على الايميل ...


====================

الموضوع ثلاث اجزاء ..

1- طريقة اخذ المعلومات المهمه للإيميل.
2- طريقة وضع الايميل البديل.
3- طريقة استرجاع الايميل.


~~~ 1 ~~~

نبدأ اولا بجمع المعلومات المهمه اللي لازم نعرفها في حالة اردنا استرجاع ايميل ضايع او مسروق
وبدون هالمعلومات مانقدر نسوي شى

.. فالرجاء تسجيلها بأي مكان آمن بالكمبيوتر او خارج الكمبيوتر
نفتح الايميل .. ومن الاعلى عاليمين نختار اوبشن



http://members.abunawaf.com/nawaf81/1/pics/hotml1.jpg



ومن بيرسونال نضغط على بروفايل

http://members.abunawaf.com/nawaf81/.../ht/hotml2.jpg


والمطلوب ناخذ هالبيانات ونحفظهم لوقت الحاجه
- first name
- last name
- Sign-in name
- Birth date
- Country/region
- State
- Zip or postal code


طبعا بالنسبه لـ
Sign-in name


المقصود فيه عنوان الايميل لكن بدون

@hotmail.com

وفي معلومات اضافيه مهمه جدا جدا بيسألونكم عنها الهوتميل في حالة مراسلتهم
ولازم تخزنونها عندكم غير هالمعلومات اللي ذكرناها
وهي :
- Approximate date of last successful sign-in

وهو آخر يوم تم تسجيل الدخول للإيميل او الماسنجر قبل سرقته او ضياعه
- The name of your ISP

وهو اسم الشركه اللي تستخدمها للدخول على الانترنت
- As many "old" outdated passwords you used in the past as you can remember
عنوان باسووردك قبل لا يغيره السارق .. بالاضافه لباسووردات قديمه لهذا الايميل اذا تعرفها وتذكرها

- The exact Microsoft Passport Network site you last visited

آخر مكان دخلت منه لخدمات مايكروسوفت وبعدها فقدت الايميل .. يعني هل دخلت الماسنجر وبعدها ضاع الايميل
او انك فتحت الايميل وبعدها ضاع الايميل.. او او .... الخ

- The approximate date you registered the account

تاريخ تقريبي لإنشائك لهذا الايميل يعني سنه سنتين ولو تاريخ تقريبي بالشهر يكون افضل

- A list of as many personal folders you have created in the account

فولدرات تم انشائها داخل الايميل غير الفولدرات الاساسيه
وبهالصوره واضح ان الفولدرات الاساسيه بالمربع الاحمر وفولدرات تم انشائها بمستطيل ازرق

http://members.abunawaf.com/nawaf81/...ht/hotml13.jpg
- An IP address is a code made up of numbers separated


هالمعلومه مو ضروريه الحين لكن ان ضاع الايميل تستعملونها

والمطلوب هو أي عنوان آيبي للشركه اللي تستخدمها للدخول على الانترنت

وقلت مو ضروريه الحين لأن يمكن الحين تستخدمون اشتراك وبعد فتره تغيرونه

وعموما لمعرفة الآيبي الخاص فيك او اي آيبي للشركه
ادخل على هالموقع


هنا

أو

من هنا

ومجرد ما يفتح الموقع يطلعلنا الآيبي نفس هذا

http://members.abunawaf.com/nawaf81/1/pics/ht/ip.jpg


وجذي بإذن الله نكون جمعنا جميع المعلومات المهمه اللي تمكنا من استرجاع الايميل مهما كان
لكن باقي شى بسيط وهو اضافة ايميل بديل فننتقل الحين لهذه الخطوه

الايميل البديل

مع بداية خدمه الهوتميل بأواخر التسعينات كان من ضمن خطوات التسجيل في شى اختياري
الا وهو الايميل البديل .. ولجهل الناس فيها حذفوها ثم ردوا ضافوها قبل كم سنه

وطبعا ماعتقد احد كان مهتم لهذه الخاصيه لكن بوضح طريقتها بالتفصيل وشلون نرجع الايميل من خلالها
بالبدايه ندخل هالعنوان :



هــــــــــــنا


ونضغط على خدمات الحساب


http://members.abunawaf.com/nawaf81/...ht/hotml14.jpg


ستم طلب تسجيل الدخول .. اكتب ايميلك اللي تبي تحطله ايميل بديل واكتب باسوورد وسجل الدخول
بعد الدخول اختر .. مؤهلات الاعتماد :



http://members.abunawaf.com/nawaf81/...ht/hotml15.jpg


ثم اضافة عنوان البريد البديل


http://members.abunawaf.com/nawaf81/...ht/hotml16.jpg

والحين نكتب الباسوورد ثم الايميل البديل ثم نكرر كتابة الايميل البديل


http://members.abunawaf.com/nawaf81/...ht/hotml17.jpg


الحين فرضا اننا اضعنا الايميل


او انسرق مع فرضية ان السارق مايعرف خاصية الايميل البديل
فطريقة استرجاعه جدا سهله .. خصوصا في حالة نسيان الباسوورد بدون سرقه
وطريقة استرجاعه كالتالي ...
ندخل موقع الهوتميل ونضغط على


Forgot your password?


http://members.abunawaf.com/nawaf81/...ht/hotml18.jpg


الحين نكتب الايميل .. وتحت الايميل في كود من ارقام وحروف نكتبه بالفراغ الثاني ثم نضغط

Continue



http://members.abunawaf.com/nawaf81/...ht/hotml19.jpg


ثم بالصفحه التاليه نضغط على الجمله الاولى لإرسال الباسوورد على الايميل الجديد

http://members.abunawaf.com/nawaf81/...ht/hotml20.jpg


ثم صفحه جديده فيها خيارين .. نختار الاول وهو تأكيد الارسال على الايميل البديل

http://members.abunawaf.com/nawaf81/...t/hotml211.jpg


الحين نروح للإيميل البديل وبنلقى رساله من مايكروسوفت بالعنوان التالي


http://members.abunawaf.com/nawaf81/...ht/hotml22.jpg

نفتحها ونضغط على اول عنوان بالرساله
http://members.abunawaf.com/nawaf81/...ht/hotml23.jpg


والحين يطلب مننا نكتب عنوان الايميل اللي ضاع باسوورده او انسرق


http://members.abunawaf.com/nawaf81/...ht/hotml24.jpg


تفتح صفحه تغيير الباسوورد فنكتب الباسوورد ونكرره بالفراغ الثاني


http://members.abunawaf.com/nawaf81/...ht/hotml25.jpg


واخيرا .. مبروك تم استرجاع الايميل وتقدر تفتحه بالباسوورد الجديد


http://members.abunawaf.com/nawaf81/...ht/hotml26.jpg

استرجاع الايميل المسروق

طبعا نعتمد بإسترجاع الايميل على المعلومات اللي ذكرناها ببداية الموضوع
وكل ما كانت المعلومات صحيحه زادت حظوظك بإسترجاع الايميل

والمعلومات الضروريه مثل اسم البلد وتاريخ الميلاد او او... الخ في حالة كتبتها غلط فتقريبا مايرجع الايميل
وعموما استرجاع الايميل كان سابقا بإرسال رساله على عنوان معين


ثم تغير العنوان اكثر من مره الى ان تم حديثا وضع نموذج يتم تعبئته وارساله لمايكروسوفت
وهي طريقه جديده غالبا محد يعرفها


المهم بالبدايه في حالة انك فاتح ايميل ثاني فلازم ضروري تسوي تسجيل خروج
ثم نفتح هذا العنوان



ننزل بنص الصفحه وبنشوف فورمه جاهزه نعبيها بالمطلوب
وبالجزء الاول يطلب عنوان البريد المسروق وعنوان مراسلة الشخص اللي يبي يسترجع الايميل بالاضافه لإسمه

http://members.abunawaf.com/nawaf81/.../ht/hotml3.jpg



بالقسم الثاني .. يطلب منك تختار نوع الخدمه
والخيارات الموجوده داخل هالخطوه دايم تتغير لدرجة ان خلال كتابتي لهذا السطر اكتشفت انها تغيرت
واضطريت اسوي برنت للنموذج الجديد
نشوف بالبداية النموذج القديم :


http://members.abunawaf.com/nawaf81/.../ht/hotml4.jpg



بالفراغ الاول اخترت


I Forgot My password


ثم راح يطلع فراغ ثاني مو موجود لما اخترت الجمله الاولى واخترت منه

I don't know my question....


ثم بالمستطيل الكبير نكتب معلومات اضافيه
والمقصود هني اننا نكتب الاسم الاول والاخير والبلد وتاريخ الميلاد ووو.... اي اننا نكتب المعلومات الاساسيه
بدون كتابة المعلومات اللي قلتلكم انها المعلومات الاضافيه الضروريه ..

لأننا راج نأجلها لخطوه ثانيه
ومثل ماقلتلكم هالخطوه تغيرت بهذا النموذج الجديد من مايكروسوفت التعبانه


http://members.abunawaf.com/nawaf81/...ht/hotml44.jpg


يعني الله يعينكم على اختيار الخيارات الصحيحه في حالة تم تغيير هالنموذج بعد ما ارسل لكم هالرساله
ثم بالجزء الثالث من النموذج نعبي اي شى ويستحسن نفس هالبيانات


http://members.abunawaf.com/nawaf81/.../ht/hotml5.jpg

ثم نضغط

http://members.abunawaf.com/nawaf81/.../ht/hotml6.jpg


الحين خلاص ارسلنا طلب استرجاع الايميل لمايكروسوفت
وبعد يوم كامل بيوصلك رد على ايميلك بهذا العنوان


http://members.abunawaf.com/nawaf81/.../ht/hotml7.jpg


بيكون محتوى الرساله عباره عن اشياء مالها معنى
وفقط ننتبه لهذي الكلمه اللي تطلب مننا نسوي

Replay


للرساله بدون تغيير اي شى بعنوان المرسل اليه او عنوان الرساله او المحتوى


http://members.abunawaf.com/nawaf81/.../ht/hotml8.jpg


وطبعا ننتظر يوم كامل بعد .. عشان ننتظر الدعم الفني بمايكروسوفت يردون علينا


والرساله الثانيه هي تحدد استرجاعك للإيميل من عدمه
وهذي هي الخطوه اللي نحتاج فيها المعلومات الاضافيه بشكل اساسي
وبتوصلك الرساله وداخلها اسئله .. تختلف من شخص لشخص .. وانا وصلتني وطلبوا مني هالمعلومات


http://members.abunawaf.com/nawaf81/.../ht/hotml9.jpg


وجميع هالمعلومات الاضافيه شرحتهم فوق بأول الشرح
طبعا .. نقوم بعمل ريبلاي ثم نقوم بكتابة الاجوبه ثم نرسل الرساله

وسيأتي الرد اما بالايجاب او النفي حسب صحة المعلومات المقدمه لهم
وبالمره الاولى لما استرجعت ايميل يابعدهم كان الحبيب معطيني الدوله غلط
وكان ردهم النهائي هو المكتوب بالخط الاحمر بالصوره


http://members.abunawaf.com/nawaf81/...ht/hotml10.jpg


ولما راسلتهم مره ثانيه بعد تصحيح البيانات
ولما عملت ريبلاي للرساله الاولى .. ثم ريبلاي للثانيه مع اجوبة الاسئله الاضافيه .. وصلتني هالرساله



http://members.abunawaf.com/nawaf81/...ht/hotml11.jpg


ولما نفتحها بنضغط على اول عنوان ونغير باسوورد الايميل المسروق بكل سهوله


http://members.abunawaf.com/nawaf81/...ht/hotml12.jpg


وبكذا نكون انهينا المشكله وانتبهوا لإيميلاتكم مره ثانيه
مع الانتباه ان بعد ماترجعون الايميل غيروا البيانات الاساسيه + السؤال السري + الايميل البديل

و عليكم السلام ورحمة الله و بركاته

أهلا و سهلا فيكِ عزيزتي
ألف الحمد لله على سلامتك
نورتي المنتدى برجعتك

السلام عليكم ورحمة الله وبركاته

الحقيقه حاولنا استرجاع الايميل بالمعلومات البسيطه التي تحفظها فهي لاتذكر كل المعلومات التي كتبتها على وجه التحديد ، فلم اجد وسيلة سوى ان اقنعها بعمل اي ميل جديد وان تضع له باسوورد قوي ، واظن انها اقتنعت بعدما تعبت من استرجاع ايميلها القديم

شكرا لكم حميعا وبارك الله لكم على المجهود الرائع الذي قدمتموه واخص بالذكر الاخت مجموعة انسان التي شرحت لنا بالتفصيل فجزاكي الله خيرا اختي

دمتم بخير ®®®®®®®®®®®

.
.

الاسترجاع << اذا كنت حافظ بيانات التسجيل سهل عليكـ

الحين السرقهـ

مو من الباسورد

ركز على الاشخاص المضافين

...

فبل شهر تمت اضافة من قبلي

لشخصية امريكية

لستراجع الانجليزي عندي

من المخاطبة

وتمت سرقة الايميل

وتوزيع رسايل

وتهكير للخلق

.
.

المشاركة الأصلية كتبت بواسطة محمد (المشاركة 16709) السلام عليكم ورحمة الله وبركاته الحقيقه حاولنا استرجاع الايميل بالمعلومات البسيطه التي تحفظها فهي لاتذكر كل المعلومات التي كتبتها على وجه التحديد ، فلم اجد وسيلة سوى ان اقنعها بعمل اي ميل جديد وان تضع له باسوورد قوي ، واظن انها اقتنعت بعدما تعبت من استرجاع ايميلها القديم شكرا لكم حميعا وبارك الله لكم على المجهود الرائع الذي قدمتموه واخص بالذكر الاخت مجموعة انسان التي شرحت لنا بالتفصيل فجزاكي الله خيرا اختي دمتم بخير ®®®®®®®®®®®

مافيه بين الإخوه شكر أخي
حاولت ساعد بس الحمد لله على كل حال
تساوي ايميل جديد أحسن
بس بيني وبينك قليل اللي بيذكر البيانات اللي كتبها و منهم أنا
ههههههه
الله يستر