|
السلام عليكم
السلام عليكم كيفكم ان شاء الله بخير كنت حابه اتكلم معكم مو عارفه حاسه بتعب بحاول اتصرف بطريقه عاديه اطلع وامشي بس تعبت طبعا انا ما بشكي بس حابه اتكلم مو حابه اشكي وجعي بس امس لاني بالغت بالمشي بالمول ما عرفت انام من الوجع كانها ابر تنشك باطرافي وبعد بكاء وتعب نمت الحين لله الحمد احسن بس بس مو عارفه كنت اخد دواء الجبنتين بس وقفته يمكن غلط بس ما في اي نصيحه بتخفف بحاول صار لي عشر ايام انتبه بالاكل بس بتيجي اوقات بتعب معلش سامحوني بس كان بدي اتكلم معكم
|
هلا شمس هلا يا غاليه انا كثير مبسوطه انك معنا وعم تحاكينا بلي بداخلك بجد بشكرك
وتاكدي حبيبتي انا نحنا دايما معك وبنسمعك سلامتك يا غاليه ليه هيك تعبتي حالك مانتي عارفه طلبات الام اس ﻻزم ننتبه على كل حال الحمدلله انها مرت على خير وانتبهي لمره تانيه واحنا دائما لجنبك ودائما بنحب نسمعك |
و عليكم السلام ورحمة الله و بركاته
هلا عزيزتي شموس ليه تعبي حالك ؟ المشي حلو بس ما عاد النا حاليا و بعدين مو بنمشي بس بنركض ان شاء الله اللي بنصحك فيه هو الراحة وتاكلي و تشربي زهورات و حب الرشاد مهم قليلي شو هو دوا الجبنتين ما عرفتو؟؟ الله يحفظك و تفائلي بالخير .. تجديه ان شاء الله |
:36_3_11[1]::36_3_11[1]:وعليكم السلام خواتي الغاليات مبسوطه كتيير لاني فضفصة معكم ولله الحمد مر اليوم وانا لله الخمد احسن عارفه اني مو لازم ابالغ بس بحاول اني ما اشكيلهم لعيلتي واني ارفض امشي معهم او اطلع معهم لانهم الهم حق عليي كمان وزهقو اكيد من كلمة تعبانه هم ما شكو بس بحس بثقل الكلمه عليهم ما بقدر ما بقدر تعبانه وووووو الله يساعدنا كنت بدي اعلرف منكم اجري صارو اسوا من اول اني اقدر امشي احيانا توازني ضعيف ورجلي اليمين من الاسفل تنحرف شوي وانا بمشي طبعا لما امشي مسافات كثيره فهل هدا عادي واللي بحس فيه من نخز الابر احيانا عادي وبعدين اختي مجموعة انسان دواء الجابنتين اعطاني اياه طبيب لترخي العضلات خواتي مشكورات على تواصلكم بحبكم
|
عزيزتي للأسف بقلك عادي الى ان يشاء الله و برحمنا برحمته التي وسعت كل شيء
الله يشفينا جميعا يارب اللهم آمين المهم خليكي قوية وما تستسلمي |
عزيزتي شمس أنا كمان الأيام السابقة مريت بظروف يمكن أصعب والله إبتديت إشعر ببعض العوارض يلي مرت علي من 11 سنة عملت صورة الرنين حسب الصورة و الحمد لله ما كانت هجمة، كانت القصة نوع من الإرهاق و كترة التفكير مش هون الموضوع يلي قلب تفكيري قلي الحكيم إنو الصورة مبينة نوع من الضمور على جوانب الدماغ ! سألته: شو يعني هالحكي ؟؟؟ قلي أنا ما فيني إحكم و ما معي صورك الرنين القديمة معي بس النتائج ممكن يكون طبيعة دماغك إنت هيك أو ممكن يكون عم صير معك نوع من الضمور؛ التآكل في أطراف الدماغ و هالشي بيسببلك التقدم بالعمر المبكر - فقدان الذاكرة ... عشت إيام صعبة بعتت cd الرنين و حكيت مع حكيمي مباشرة قلي لا هاي طبيعة دماغك و التصلب عندك واقف نهائي الحمد لله بس صدقيني ممكن يكون يلي عم تمري فيه بعيد عن التصلب |
ألف سلامة عليك يا سعد
جد خضيتني عليك الله يشفيك و يبريك يا رب سعد لو اللي بتمر يه شمس مو من التصلب رح كون مثلا و غيري الكثير الضعف سمة التصلب الله يشفينا منو جميعا يا رب |
الف سلامه عليك اخي سعد ان شاء الله ما تشوف الشر لا انتي ولا غيرك |
ألف سلامة عليكي أختي شمس... ان شاء الله ما تشوفي شر... يلي عم توصفيه حصل مع بعض المرضى أعرفهم وكان السبب نفص فيتامين دال وأيضا الـ بي 12 ممكن يكون نفس الحالة عندك وممكن تستشيري طبيبك واجراء بعض التحاليل أخي سعد .. حمداً لله على سلامتك اهم شي الانتباه من فصل الصيف لأن كتير مضرة الحرارة بالنسبة لهالمرض وانتم خيرة من يعرف بهالأمر |
السلام عليكم اخواني الف سلامه عليك اخي سعد اللي بنمر فيه يمكن شي عادي بس احنا بدنا ايام كتيير ننسي من تعبنا من الانتباه على الحركه ووو انا من بعد ما تكلمت معكم رجعت للروتين العادي الانتباه بالحركه وعدم المشش لفتره طويله وغيره بس اخي محمد نقص الفيتامين لازم اعمل تحاليل لاني قيل اشهر عملت فحوصات وكان نقص فيتامين دال موجود واخدت حقن فيتامين لفتره بس ب 12 ما كان عندي نقص بس يمكن احنا كل يوم بيتغير جسمنا بس الافضل انو نعيش زي ما بدو ايانا نعيش الام اس وننتظر رحمة الله انه رحيم يا الله رحمتك مشكووووووووووووووووووووووووووورين ما بتعرفو قديش ارتحت لما تكلمت معكم لاني مش لوحدي معي عيلتي الغاليه
|
فعلا يا اختي شمس يلي مابنقدر نقولوا بحياتنا بنلاقي حالنا عم نفضفض ونحكيه هون ... كلنا عائلة وحدة ان شاء الله
اختي متل ما خبرتك الأفضل تعملي تحاليل لأن ممكن يكون فيتامين دال أو بي 12 وبعدين مش بس مرضى الأم اس هيك.. هالنقص اذا حصل بالانسان يلي ما عنده ام اس كمان بيصير فيه هيك واكتر كمان لاتحطي براسك ان عندك ام اس وتخيلي ان كل يلي عم يصير معك امور عادية بتحصل عند اي انسان .. طبعا مع مراعاة الانتباه من الحر والتعب والتعصيب لأنهم أهم 3 عناصر مشغلين لهجمة التصلب اتمنى لكي كل الصحة والعافية |
| الساعة الآن 02:23 PM. |
Powered by vBulletin
Copyright ©2000 - 2024