منتديات حبة البركة

أنا ما أدري وش أحساسك

وما أدري وش تظنيني

أنا الصادق في عينك كنت

وصرت الكاذب الخوان

أنا أخطيت ما أنكر

ولا في عذر يكفيني

سوى أني احبك حيل

وأني دائما أنسان

انا أدري بمدى جرحك

و أدري الحظ جافيني

يطول الوقت ما أخطي

واذا أخطيت كل شيٍ بان

أنا شفت الزهر مايل

وظنيته يناديني

قطفته ... يوم ضميته لقيته للأسف ذبلان

عرفت أنك زهر عمري

عرفت انك بساتيني

وغيرك قيظ ما يروي

سراب يسقي العطشان

أنا لو ما حصل ما كان

وش اللي يدريني

بأنك ما سواك انتي

سكنتي القلب والوجدان؟

أنا آسف على أعذاري

عجزت القى عذر فيني

يليق بغلطتي في حقك

و يرجع كل شئ كان

أحبك كثر أخطائي

و أدري أنك تحبيني

و أدري لو تفارقنا

فلا نقدر على النسيان

اذا تقوي على فراقي وبعدي عنك

خليني

انا ملّيت من دور الكرامه و لعبة الغفران

قليل العمر ياللي انتي دموعك ماتساويني

حرام انه يضيع فراق

!!هي من قلها الأحزان

لسمو الأمير الشاعر عبد الرحمن بن مساعد