منتديات حبة البركة - تجربة أبو حلمي

معروف للجميع أن الزوج غير مرغوب وجوده داخل المنزل لفترات طويلة
علي سبيل المثال لو أخذ أجازة كم يوم من عمله تكثر المشاكل ولو كان مسافر ونزل أجازة بعد سنوات غياب أو خرج علي المعاش واضطر للبقاء داخل البيت فليس أمامه إلا حل من اثنين إما يقضيها نوم أو يتعامل كأي قطعة أثاث لا أسمع لا أري لا أتكلم
لكن أبو حلمي وجد حلا لهذه المشكلة فماذا فعل أبو حلمي ؟
أبو حلمي خرج علي المعاش وأصبح متواجد في المنزل دائماً .
وكالعادة كثرت إنتقاداته لأم حلمي في شؤون البيت ،
وكثر صراخه وزعيقة علي الفاضي والمليان . مرة يقول إطفوا النور فاتورة الكهرباء خربت بيتي ، إقفلي التكييف يا بنتي... المية مفتوحه علي الفاضي خسارة ..
غسلتوا الهدوم ؟ ونظفتوا البيت ؟
المهم عامل مشاكل وإزعاج طوال اليوم .
الجميع في البيت لعن الساعة التي طلع فيها أبو حلمي علي المعاش ، وخصوصاً أم حلمي.
إلا أن أبو حلمي خد باله ، أن الكل متضايق منه وشعر بالحزن وان مفيش حد طايقة فى البيت .
فقرر أنه يلاقي طريقة يقلل بيها من تواجده في البيت.
فكان بيخرج يتمشي من الزهق في الحدايق وفي المولات وهو مهموم كل يوم .
وبالصدفه قابل زميلة ليه كانت اتعينت قبل ما يطلع معاش ، وسلم عليها وبتسأله عن حاله وليه شكلة مهموم فأخبرها عن كل أحوالة بالتفصيل .
فقالت له : وانا كمان اتطلقت وعايشه لوحدي وتجربتها كانت وحشه في الجواز ، قالتله معلش تعال ننسي الهموم ونتجوز ونعيش مع بعض .
أبو حلمي مكدبش خبر ، وبالفعل تزوجها على سنة الله ورسوله .
وفي صباح اليوم التالي عاد إلى منزله فسألته أم حلمي وهي قاعده بتحكي مع اختها في التليفون ::
خير يا حاج كنت فين من إمبارح؟؟؟
قالها : الحمد لله إتوظفت !!
أم حلمي فرحت جدا وانبسطت ، لأنها كانت عايزة تخلص من قعدتة في الييت وقالت لة : عفارم عليك إنت لسة شباب ، وإذا اشتغلت ، تبقي شغلت نفسك بحاجة تفيدك وتنفعنا معاك .
وعلى رأى المثل : الحركة بركة يا أبو حلمي ، لكن أية هو شغلك الجديد؟
فأجاب : حارس أمن ليلي .
ف قالت له : ما شاء الله ، يجعلها وظيفة مبروكة عليك ...!
المهم كل يوم الصبح أبو حلمي يرجع البيت لأم حلمي ، مرهق وتعبان من شغله الجديد .
يلاقيها مجهزاله الفطار والمحمر والمشمر . وبعد ما يفطر تقول له : باين عليك تعبان ، قوم ريح جسمك وأنا أصحيك الظهر تتغدي ، و تروح علي شغلك وإنت مرتاح و شادد حيلك وصالب طولك ...!
وهكذا عادت لأبو حلمي سعادته ، وهيبته وإحترامه في منزله ، وشغل وقته بشيء مفيد .
وأعاد لعائلته الهدوء والسكينة.
واصبح الجميع مسرورين ."
أرجو ممن يعاني من حالة مشابهة لحالة أبو حلمي ، أن يستفيد من التجربة
ويشتغل حارس أمن ...