|
قاطو الطربوش
المقادير:
250غ مرقرين نصف كاس سكر رطب نصف كاس بندق محمص ومرحي رقيق وممكن نعوضه باي نوع اخر من المكسرات بيضة +صفار بيضة فاني فرينة الطريقة: بواسطة الخلاط الكهربائي نخلط المرقرين والسكر جيداا نضيف البيضة وصفار بيضة ونحرك ثم البندق والفاني ونلم بالفرينة بالنسبة للقوالب عبارة عن اكواب صغيرة راهي متوفرة في الاسواق راح نأخذ كمية من العجينة ونبسطها في الاكواب . ندخلها للفرن تطيب على 180د وهذا شكلها بعد الطهي من جهة نبسط العجينة المتبقية ونقطع دوائر بعدد الاكواب بعد مانطيب الدوائر نخليها تبرد بالنسبة للحشو نذوب الكابريس مع شوية حليب ونضيف كمية من نيسلي كرامليزي وكمية من نوتيلا ونحشي الاكواب نحط كمية قليلة من الشكولة الذائبة على اطراف الكوب ونغلق بالدائرة هكذا ونخليها تنشف حتى كي نقلبها الحشو يبقى للداخل بالنسبة للشكولة انا استعملت النوار باه ماتجيش الحلوى حلوة بزاف لانها محشية اذن نذوب الشكولة نوارانا ضفتلها كمية قليلة من الشكولة بالحليب لان اولادي مايحبوش الشكولة نوار ونقصت شوية من كمية الحشو نغطس الحلوى في الشكولة ونقلبها على جهة الدايرة لي لصقناها ونخلوها تنشف من جهة نحضر الطلية لي نزين بها نخلط كمية من بياض البيض مع السكر الرطب والفاني والملوى الاحمر ونزين بهذا الشكل في المنتصف نزين بحلوى التوت ونقدمها |
| الساعة الآن 09:21 AM. |
Powered by vBulletin
Copyright ©2000 - 2025