منتديات حبة البركة - لامت محدٍ خويك

ياطيب شخصٍ ليا حس بغيابك يجيك
ولاجاك ،،، كنه يقول إني وفي من وفاك
،
،
اللي يدينه ليا من طحت تقضب يديك
واليا وقف ،،، ماتفاخر عند هذا وذاك
،
،
ترى الوفي في غيابك لو حكو يحتميك
وفمزارق الطيب وعلوم الوفا مانساك
،
،
واحقر بشر من يضحك بك ويضحك عليك
وإليا زعلت وصدمته قال لك من غلاك !!
،
،
شخصن ينقصك عند الناس مايشتهيك
والله مايشتهيك ،،،، ولادرى عن سماك
،
،
إعرف هالاشكال لو تثقل عليها تجيك
بعض الاوادم يحبك لاعطيته قفاك !!!
،
،
ومن يحترم رفقتك ويصونها مشتريك
هذا تحطه قدم وجهك ،،،، ولاهو وراك
،
،
ومن يوصلك بد خلق الله وجا ينتخيك
لو ماهقى فيك هقوة / ماتعنى وجاك
،
،
إفزع ،،،، ومن حط هقواته بفعلك يبيك
توقف معه واشتره بالروح يومه شراك
،
،
لامت محدٍ خويك ،،،، لاابن عم وشريك
ماراح تاخذ سوى اعمالك وذكرك معاك

الشاعر مبارك الحجيلان