منتديات حبة البركة - ياااااااااااااااا عمّ

ياااااااااااااااا عمّ
.
حار الفكر ما بينهم كيف مع كــــــــــم
وانهالت امطار الشجن كيف كَمّــــــــه
.
كم سيل و جد و كمّها لهفـــــــــــتي يَمّ
كم فاض شوقي فيك طوفان يَمّـــــــــه
.
كم لي و كم لي كَـــــمّ . والله بي اعلَـمّ
من صَوّرَكْ في خافقي مسْتضَـــــــــمَّه
.
كم لك بقلبي وانت يا لهفتي جَـــــــــمّ
وكم لي و اشُوفك طاغي الشوق جَمّه
.
كم كيف احبك واعشقك موت يا عَــمّ
مولود قلبي و انت والسهـــــــد عمّــه
.
كم لي عليك آخاف و آغاااااار و اهتَمّ
كم هو عظيم الوجــــــد للقلب هَمّـــــه
.
روحي تشمّك داخل اعماقها شَـــــــــم
تتنفسك ما بين زفره و شَمّـــــــــــــــه
.
مخلوق فيني عشْــــــــق و بخافقي دَمّ
حْسّ الشعـــــــور ونابض الروح دمّه
.
يا منتهى الغاية رجـــــــــــــا لمّني لَمّ
بين المحاني فايض الشــــــــــوق لَمّه
.
و ما بينك و لهفة غلاك آتلملـــــــــــم
وادهل شجونك واحتوي لهفة امّــــــه
.
وابغي تضم اعماقهـــــــا سلوتي ضم
وبين المشاعر ضمّني ألف ضَمّــــــه
.
تْمّ العدد و الكيف قم تَمّمَـــــــــــــه تَمّ
يامن بروحي كل سهدي متَمّـــــــــــه
.
و ألتَمّها اشـــــــــــواقك ولَهْ و آتسلهم
يا من شجوني و الشعور استعَمّــــــه
.
ثم سَمّها حالي معك يـ بْعَدي سَــــــــمّ
واللي محيّر عاشقك فيك سَمّـــــــــــه
.
لَنّ الفكر يا كيف حاير مع الكـــــــــم
وانهالت امطار الوله كيف كمّـــــــــه

بقلم الشاعر ماجد بن رتيق