منتديات حبة البركة - ناس طبعها تجنن

فيه ناس طبعها فيه بساطة .. تجنن ..
يعني تعمله ساندوتش فول عشان مافيش غيره .. يقولك الله دا احلا فول كلته في حياتي .. تسلم ايديك ..
تكون مسافر ف تجيبله هدية بسيطة على ما قسم يعني .. يقولك يا خبر أبيض .. دي هدية تجنن .. تسلم مجايبك ..
تفتكره ب شوية ترمس نفسك كانت هافاك عليهم ف جبتله معاك .. يقولك يخربيت جمالك يا اخي .. دا انا ب احبه جدااا
كل دة و هو ممكن تبقا الهدية اي كلام و الفول مش بيحب ياكله اصلا او الترمس موجود عنده في البيت ..
لكنه " قدر " انك افتكرته .. قدر انك عملتله حاجة مخصوص .. قدر انك عاوز تفرحه باللي تقدر عليه ..
ف ب يبقا بيقول الكلام دا من قلبه فعلا ..
مش مجرد كلام من لسانه و عينيه بتقول العكس ..
الناس دي .. تجنن .. الناس دي نعمة طيبة في الدنيا و نسمة صافية ب تهون علينا الحياة والله .