منتديات حبة البركة - ( يـوم مـن غـيـر ms )

♨️ بـبـسـاطـه مـع أحـمـد عصـام ♨️
( يـوم مـن غـيـر ms )

👇
صحيت من النوم لاقيت رجلي بتتحرك بسهولة
قمت من غير عصاية ولا مساعدة
صوتي بيرجع طبيعي وكلامي واضح
حسيت إني راجع إنسان طبيعي
👇
غسلت وشي وبصيت في المرايا
ضحكت من قلبي
الدنيا كانت منورة في عيني
👇
نزلت الشارع
الهوا بيلعب في وشي
لكن الشمس كانت حامية قوي
دورت على أي ظل أمشي فيه
☝️👇
جوايا صوت بيقول
الحر ده عدو مريض الام اس
👇
وصلت الشغل
بدأت أتحرك بين المكاتب
وأعمل أكتر من حاجة في نفس الوقت
التوتر بدأ يدخل عليا
☝️👇
افتكرت إن التوتر واحد من اللي ممكن يزود خطر المرض
👇
وأنا مشغول
دخل شريكي في العمل وهو متضايق
قالي لازم نخلص مشروع النهارده وإحنا متأخرين
ابتدى يعلي صوته ويعاتبني
على شغل مش أنا اللي مأخره
💢💢💢
حسيت وشي بيحمر
وقلبي بيدق بسرعة
دماغي اتلخبطت
الضغط النفسي مسكني من كل ناحية
☝️👇
قلت جوايا
الضغط النفسي بيكسر المريض
قبل ما المرض نفسه يلمسه
👇
كملت الشغل
وشلت صناديق تقيلة
الإجهاد مسك في جسمي
زي ما يكون بيضغطني من جوه
☝️👇
افتكرت إن الإجهاد عدو كبير
👇
وفجأة الدنيا كلها وقفت
لقيت نفسي على السرير
فتحت عيني وفهمت إنه كان حلم
👇
بس الحلم ده فيه رسالة واضحة
خلي بالك من نفسك
ومن أعصابك
ومن جسمك
💚💪💚
لأنك لو حافظت عليهم
هتحافظ على حياتك ...