منتديات حبة البركة - مراعاة مرضى التصلب المتعدد

مرض التصلب المتعدد (ms) بيزيد، وبيشرس، ويهجم على الجسم أضعاف لما بنزعل أو ننضغط!
أنتم متخيلين؟ يعني "الزعل" بالنسبة لمريض الـ ms مش مجرد "عصبية وهتعدي".. الزعل ده كفيل يجدد الهجمات، يوقف رجلين، أو يضيع رؤية، أو يخلي الجسم يفرتك نفسه!
• هو صعب أوي إنكم تبعدوا مريض الـ ms عن الزعل والضغط؟
• هو صعب أوي تعيشوه في أمان ومن غير مشاكل؟
• هو ده هياخد منكم وقت أو مجهود أصلاً؟!
لو مش قادرين تكونوا سند وأمان.. بلاش تكونوا أنتم والمرض علينا!
لو مش هتقدروا تراعوا ربنا فينا وفي مشاعرنا.. اقفلوا بقكم.
بلاش كلام يوجع.. بلاش حرج.. بلاش قسوة الاستهانة اللي بتهد اللي فاضل من صحتنا.
مرضى الـ ms بيحاربوا أجسامهم كل ثانية، فمش ناقصين حرب من القريبين منهم كمان.. حسوا بينا ورفقاً بينا. 🖤
#التصلب_المتعدد #مرضى_ms #رفقا_بمرضى_ms