اليوم, 04:12 AM
|
#1
|
|
بيانات اضافيه [
+
]
|
|
رقم العضوية : 4
|
|
العلاقة بالمرض: مصابة |
|
المهنة: لا شيء |
|
الجنس ~ :
أنثى |
|
المواضيع: 68696 |
|
مشاركات: 6437 |
|
تاريخ التسجيل : Aug 2010
|
|
أخر زيارة : اليوم (04:28 AM)
|
|
التقييم : 95
|
|
مزاجي
|
|
|
لوني المفضل : Cadetblue
|
شكراً: 9,478
تم شكره 17,570 مرة في 8,937 مشاركة
|
أسباب التعب و الإرهاق الحقيقة
السبب اللي خلاني أكتب البوست دا
هو إني بشوف شباب وبيشتكوا من الإرهاق والتعب
كأنهم عدّوا الـ 70 سنة 😓
خليني أقولكم الأسباب الحقيقية والخفية
ورا التعب والإرهاق غير المبرر ده 👇
🧠 السبب الأول :- الإرهاق العصبي
خلي بالك يا طيب , التعب مش دايمًا عضلي
ببساطة اللي بيحصل
هو خلل في الإشارات العصبية داخل الجسم ⚡
وده بيسببلك إرهاق طول اليوم
وخمول حتى لو نايم كويس 😴
--
وأخطر سبب لدا هو :-
📱 فرط تحفيز الدماغ (Overstimulation)
تخيل يا طيبب , مخك مش بيفصل أبدًا !! 🧠
إشعارات 📲 تفكير مستمر
ضغط شغل , مهام ملهاش لازمة
كل الحاجات دي بتدخل الجسم في حالة (تعب عصبي)
وبيحصلك :- إجهاد نفسي وجسدي وعصبي
حتى من غير أي مجهود بدني ! 😵💫
---
الإكتئاب سبب رئيسي للخمول والإرهاق
🌧️ الاكتئاب المقنّع (Masked Depression) يعني إيه؟
يعني إنت مش حاسس إنك مكتئب نفسيًا !!
مزاجك مقبول , بتضحك , بتشتغل
وبتتعامل طبيعي مع الناس 🙂
بس للأسف جسمك واقع ومفيش طاقة ولا صحة 💔
---
☀️ فيتامين د … المتهم الصامت
رغم إن الشمس موجودة كل يووووم 🌞
إلا أن أكتر من 70٪ من الناس عندهم نقص فيتامين د
وخلي بااالك , النقص الحاد بيعمل مشاكل كتير منها :-
❌ يقلل المناعة ❌ يسبب اكتئاب❌ يدمّر الطاقة
والجسم بيدخل في مرحلة Low Power Mode 🔋
يعني بيبقى مرهق وتعبان
ومش قادر يعمل أي حاجه ولا مجهود
طيبب يبقى الأحسن إننا نعمل تحليل فيتامين د
وخلي بالك , النسبة الطبيعية من 50 لـ 70
أقل من كده لازم علاج حسب النقص اللي عندك 🧪
---
🩸 نقص الفيريتين (مخزون الحديد)
دي من أكتر الحاجات اللي بتتنسى
لأن ممكن يبقى الحديد طبيعي وصورة الدم طبيعية
لكن مخزون الحديد ناقص , والنتيجة بتكون :-
تعب مزمن , تثاؤب مستمر , نوم بدون فائدة 😴
تساقط شعر , تكسير أظافر , ومشاااكل أكثر💇♂️
ودراسات طبية كثيرة أكدت إن بعد علاج نقص الفيريتين
بيكون في تحسن ملحوظ جدًا في جودة النوم 🌙
---
🦋 كسل الغدة الدرقية (الظاهر والمقنّع)
الـTSH الطبيعي بيكون من 0 لـ 4
لو أعلى بيبقى في كسل واضح
لكن المفاجأة بقى إن الدراسات الحديثة أثبتت إن :-
الـTSH أعلى من 3حتى لو “في الطبيعي”
ممكن يسبب :-
إرهاق , زيادة وزن , بطء الحرق , خمول عام 😞
ولازم مع تحليل الـTSH
تعمل تحليل :-
Free T3 / Free T4
---
📵 عادة قاتلة : الموبايل أول ما تصحى
يعني إنت لسه صاحي من النوم
ولسه جسمك ما فاقش , تقوم على طول
تمسك الموبايل , وتدخل سكرول بلا نهاية !!! 📱
بتعرض عينك لضوء قوي وتحفيز فجائي
وأخبار وإشعارات وصداااع ودوشة ملهاش اخر
كدا إنت بتدخل المخ في حالة Overstimulation
من أول دقيقة في اليوم وده سبب مباشر وأكيد
للإرهاق المزمن والتعب 😵
---
🌙 النوم مش بعدد الساعات
المشكلة مش بس نمت كام ساعة
المشكلة هي نمت امتى ؟؟
ممكن تنام 10 ساعات بس بالنهار
وده هيقلل إفراز الميلاتونين
(هرمون تنظيم دورة النوم)
وبالتالي :- جودة نومك تقل وتبقى أسوأ 😴
عشان كدا النوم بدري شيء لا غنى عنه
لأنه بيساعد في إفراز الميلاتونين بشكل أفضل
ويديلك نوم أعمق وأفضل 🌙
---
🧪 تحاليل لازم تعملها لو مرهق دايمًا 🧪
✔️ صورة دم كاملة
✔️ Ferritin
✔️ فيتامين D
✔️ فيتامين B12
✔️ TSH
✔️ Free T3
✔️ Free T4
✔️ CRP (عند وجود آلام أو التهابات)
التحاليل دي هتعرفك النقص عندك بالتحديد
وبعدها تاخد فيتامينات حسب النقص اللي عندك
وتبعد عن العادات السيئة اللي ذكرتها فوق
وبإذن الله
هتشوف تحسن كبير وملحوظ
من أول ما تبدأ تنتظم 🤍
ساعد في النشر والارتقاء بنا عبر مشاركة رأيك في الفيس بوك
|
|
|
|