المشاركة الأصلية كتبت بواسطة ريم حسن عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا جديدة معكم بتسمحولي اكون صديقتكم
عزيزتي ريم، مش قصة منسمحلك، نحن يلي النا الشرف بانضمامك إلينا.

اول شي بعرفكم بحالي
اسمي ريم وبشكركم كلكم على موقعكم المفيد وبشكر الدكتور سعد صاحب الموقع هو ما بيعرفني بس انا على طول بقرأ تعليقاتوا وتعليقاتكم يعطيك العافية دكتور سعد على الموقع
وأنا إسمي سعد فاخوري، من لبنان.
بس ماني دكتور!
باللهجة المصرية؛ "أنا حتت مهندس على باب الله"
أختي "زهرة البنفسج" تصر على تسميتي دكتور !!! والمثل بقول: :صيت غنى ولا صيت فقر!"
كما الموقع هو تصميم وإنشاء حبيبي محمد. وعند انشائه رفض مشاركتي له بدفع تكاليفه.
قال لي وقتها: "أنت ستأخذ ثواب نشرك لقصة شفائك بواسطة الزيت، أترك لي بعضاً من الثواب"

بس مابرح حاولت كتير افتح بالليل بس كان يطلع لي صورة ستوب
كان الموقع يتعرض لمحاولة قرصنة. كما يتعرض دائماً.
وكان محمد، جزاه الله خيراً، يحميه.

المهم انا عم آخد ملعقة حبة البركة كل يوم بس ما كتير أثرت فيني مابعرف ليش
أنا قرأت في مشاركة أخرى لك أنك تأخذي ماركة "تاكت"
أنا سمعت أنها ماركة جيدة.
عليك الإنتظار.
أو، (وهذا الذي أفضله) بما انك من سكان الإمارات، تستطيعي الحصول على ماركة "الهيماني" وقد وجد الكثير التحسن عليها.

وكتير شدني موضوع المتاسفة حبيبتي الله يعطيك العافية حبيبتي لانك رح تساعدينا لنوصل لعلاج مرضنا
كلنا ندعوا للمتأسفة بالخير.
أنها تبث الأمل بالمتصلبين.

بتعرفي انا معي هالتصلب من خمس سنين وهلأ يادوب بمشي وقال لي دكتوري ان حجم المخ عندي صاير صغير وتركت الجامعة وبطلت روح عليها وهلأ انا قاعدة ببيت اهلي الله لايحرمني منهم
أنا عم ادعيلك كتير يا متأسفة يا حبيبتي لحتى توصلي للحقيقة
حبيبتي، تأكدي انك ستتخلصي من التصلب.
و ستعودين للجامعة بإذن الله.
ستكملي دراستك وتأخذي الشهادة.
وستعزميني لأحضر حفل تخرجك.

بتعرفي شعارك كتير حلو وألوانه بتجنن هايدا بيدل على ذوق الدكتور سعد الله يعطيه العافية
لا لا لا !
هيدا كلوا شغل أخي محمد.
الله يعطيه العافية.

يمكن حكيت كتير بس والله لا بروح ولا بجي محل وكل النهار قاعدة لحالي بالبيت يارب اشفى لحتى ما اقعد بالبيت بالمرة ورح اعمل كتير شغلا لوجه الله يارب اشفينا يارب