بصوا يا بنات :
ـــــ لو جالك عريس متقوليش لحد من صحباتك الحاجات دى بتتنظر وانتى عارفة البنات عينيها وحشة
ـــــ لو واحدة من صحباتك جبتلك عريس اوعي تشوفيه او توافقي عليه لو كان عدل كانت اخدته هى !
ـــــ هتقولي طب لو متجوزة هقولك هتبقى عوزاكي تاخدي واحد اقل من المنيل جوزها
ـــــ متفضحيش الدنيا اما يجيلك عريس اصبري شوية لما تمسكيه كويس هتسيّحي لنفسك عالفاضي وتتحسب عليكي خطوبة
ـــــ في اول مقابلة لو لاقيتيه بيبص في ساعته .... قاعد مش على بعضه ... وشه اتخطف وبان عليه خيبة الامل اعرفي انك معجبتيهوش ... اسبقى انتى وارفضيه متخليش واحد زى ده يقول انه مش عاوزك
__ متزعليش عليه ولا على غيره الرجالة زي الاتوبيسات واحد عدى التاني جاى وراه
__ لو معجبتيش اكتر من واحد اوعي تحسي بالاحباط بكره هيجي سيد سيدهم لحد عندك الا ما كان واحد فيهم عدل
__ مهما كنتي وحشة متقلقيش في اللى اوحش منك واتجوزوا
الحمدلله الخطوبة تمت على لولولى ى ى ى ى ىى ىى نيجي للى بعدها
_ بصي ... عذبيه ... طلعي عينه .. بالاختصار : دوخيه الراجل يحب يلعب دور الصياد ( من ايام الكهف بعيد عنكم متغيريش ) البنت السهلة يدوبك يفكر فيها يومين ويدور على غيرها
_ اوعي تقوليله بحبك او عينك عجباني الراجل ميحبش كده ابدا
_ اوعي تروحي ميعاده قبله حاولي تتلكعي بعده بربع ساعة او نص ساعة الراجل لو استناكي هيتعلق بيكي اكتر
_ لو سألك عرفتي حد قبلي قوليله لأ حتى لو كنتي مصاحبة رجالة مصر القديمة والجديدة
_ لو حاول يوقعك ويقولك بحب الصراحة وكده برضه خليكي ناصحة انتي عمرك ماعرفتي راجل غير باباكي طبعا !
_ هيقولك هسامحك وده ماضي متصدقيش برضه الرجالة قلبهم اسود وهيمسكهالك ذلة العمر كله
_احترمي اهلك متغلطيش فيهم قدامه
_ حتى لو كانوا بيئة كمان ! علشان ميتجرأش عليكي وعليهم هيقول اذا كان اهلها بتعمل معاهم كده هتعمل معايا ايه ؟ هيعملك فيها مصلح اجتماعي حضرته ويعيش عليكي !
_ بلاش زن ورنات تليفونات ورسايل حب وهيام دوول عالم ..... مش هيقدّر الحاجات دى هيتغّر ويفتكر نفسه احمد عز وهو زى ما انتى شايفاه قومي بصي لصورته عالموبايل
_خليكي زى فوزية اوعى يمسك ايديكي هيطمع فيكي ويفتكرك واحدة من اياهم يرضيكي واحد ملوش لازمة زى ده يفتكرك واحدة من اياهم ؟!
_ هيضغط عليكي باسم الحب باسم العواطف باسم انكم في حكم المتجوزين باسم انتى مش واثقة فيا !! انك تروحي الشقة معاه روحي !!!!! بس المرة الجاية مش هيبقى لوحده هيجيب معاه اصحابه انتي حرة انا نبهتك
_ سيبيه يرغي براحته وعدي الفشر اللى هيفشره عن البنات اللى دايبين في دباديب سيادته اعملي انك مصدقاه مع انك عارفة انك لولا خايفة لتبقي عانس مكنتيش قبلتي بواحد زيه
_ خليكي دايما في احسن صورة هيقولك بحبك على طبيعتك بحبك من غير مكياج اوعى تعملى كده لانه بيتلاءم عليكي عاوز يعرف انتى حلوة فعلا ولا دى بوية ... خليه على عماه احنا ما صدقنا وقعناه
*********************************** ****************************
لحد هنا وخلص الموضوع الاصلي وانا بسألكم ايه رأيكم في الكلام ده ؟
هل الجواز قسمة ونصيب فقط ؟ ولا قسمة ونصيب وتخطيط ؟؟؟؟!!!!! ®®®®®®®®®®®®
ساعد في النشر والارتقاء بنا عبر مشاركة رأيك في الفيس بوك