أنا أكره مستشفيات الحكومه المعفنه
يعني لازم تكوني محتاله عشان يمشي كل شي تمام
شوفو ويش صار
اول طلعت نتايج الزئبق و بعدها انتظرت تطلع نتايج الكبد ليش لأن المختبر ما كان عندهم محاليل وكتبوها بالورقه لا توجد محاليل واضطريت اسحب دم ثاني و بعدها نفس الشي مافي محاليل طيب؟؟ والدكتور ويش قال..
ماشاء الله كل شي عندك طبيعي وسليم اللهم فقر دم و تحاليل الكبد بعطيكي موعد تجيني بعد 6شهور
قلت لدكتور المده طويله ابي اطمن على الكبد ان الزئبق ما اثر فيه..
وش قال اوضاعك مستقرة حالياً ..
قلت له دكتور انا اسوي رجيم تنظيف وانا اتبع حمية قاسيه عشان انظف جسمي واطيب طبيعي تكون الأعضاء سليمة لأنها تتنظف..
حالياً ما اشوف اي لزمة لتحاليل والقولون مبين عندك صار تمام..
طيب يا جماعه انا ما ابي اتكلم بمنطق الا فيني شي..
بس طبيعي الواحد بدو يطمن ومرتين الختبر ما سوى التحاليل.. طبيعي نسويها ثاني عشان نتأكد..
اهم شي انا كنت لاطشة من الأرض كرت مواعيد مختوم .. وتركته بالشنطه قلت يمكن احتاجه وفعلاً رحت للمختبر سالتهم متى بتجي المحاليل .. قالو بعد شهر.. وكتبت رقم ملفي وحطيت لي موعد مع الدكتور بعد شهر وحسوي التحاليل قبلها باسبوع لا من شاف ولا مين دري..
انا ما ودي اتصرف كذا.. بس قهرني برود الدكتور .. وانا كنت اصلاً كنت مريضه بصفار الكبد .. ومره كان عندي قصور بالكبد ... ولدرجة ما حط بباله.. الناس صايره ضميرها ميت.. شغال بالحكومه الفلوس بجيبه اول كل شهر وش عليه من الناس..
بالنسبه لوضعي مستقر وانا اتبع الآن نظام جيد ولله الحمد .. اللهم المكملات الغذائية ضرورة لابد منها..
بس هنالك تعب بعيوني شوي ذي اليومين..
|