منتديات حبة البركة - عرض مشاركة واحدة

03-07-2019, 06:56 PM

من تجـــــــارب دنيتي خذها نصيحــــه
جملة اشيا مختزلها للفهـــــــــــــــــــيم
.
جمـــلة اشــــيا من خفى قلبي صريحه
والسقيمـــــــــــة مالها غير الســـــــقيم
.
كلّن و تربايته علمـــــــه صحيحـــــــــه
والنقى منبات من ربً عظـــــــــــــــــيم
.
من تخالط بالعمـــــــــــر ورده و شيحه
لا تبيه و خلّه بدربه يهــــــــــــــــــــــيم
.
من تردى دايم علومــــــه قبيحـــــــــــه
والعَـــــــوَج لا لا تحاول يستقـــــــــــيم
.
أنتبه حمـــــلك على غيرك تطيحــــــــه
ترمي احمولك على ظهر الرخــــــــــيم
.
وانتبه ســـــرّك على الهافي تبيحـــــــه
من تشابه سَــــــدّته هذر الحــــــــــريم
.
من يجي في هرجــــــته طعمن وريحه
من يبهر سَــــــدّتك بين الخمــــــــــــيم
.
بعضهـــــــم تلقى تواصيفه بجيحـــــــه
مظهره مبهر و هو باقي هشــــــــــــيم
.
نيّته ســـــــــودا مثل روحه شحيحــــه
يتبع العثرة وراها يستهـــــــــــــــــــيم
.
ما تشــوف بداخله غير الفضيحـــــــه
من معامــــــــــيل النقــــاااا دايم عديم
.
لا تجيه و تهتويه و تســـــــتريحــــــه
وانتبه في عالم الخَمـــــلة تهــــــــــيم
.
وانتبه درب الهفى تلفي مطيحــــــــه
وارمي حمــــــولك على مولى كريم
.
دوّره ياللي تواصيفــــــــه مليحــــــه
من سما عن وسّ شيطانن رجـــــــيم
.
دوّر اللي بالنقى روحه مريحـــــــــه
من ســما فعله على العلـــــــــيا لزيم
.
نقّ من طيب الرجــــال و خذ ربيحه
واغنم الصافي و همّل ما يضـــــــيم
.
من تجـــــارب دنيتي خذها نصيحـه
ســــقـتها من قلب وافهم يا فهــــــيم

بقلم الشاعر ماجد الرتيق

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: ثقاقة عامة وشعر