الجزء السادس من رحلتي مع التصلب...
بعد ما حاولت اتصل على دكتور عادل و كان جواله مغلق اتصلت على موظفة الاستقبال وسألتها عن الدكتور عادل قالت انتي ما عرفتي قلت وش اعرف قالت الدكتور عادل مات من اسبوعين الله يرحمه... قلت الدكتور عادل بروفسور المخ و الاعصاب مات قالت ايه توفى جلست مصدومه وهي تقولي تبغي احولك دكتور ثاني... قلت متأكده انه مات فقالت ايه الله يرحمه فقلتلها شكرا فجلست مكاني فجأه استوعبت الموضوع جلست اتذكر طيبة ذاا الانسان وصورة اولاده وكلامه معي و الله زعلت عليه كأنسان اكثر من زعلي اني سبحان الله الله ما كتب اني اشوفه و اخذ معلومات عن الشخص اللي شفي من التصلب... بعدين استوعبت الموضوع صرت ابكي مثل الطفله وجت امي على صوت بكائي قالت وشفيكي بسم الله عليكي كنت بس اردد كلمه وحده هو قالي حستناكي هو قال حستناكي و هي تقول مين هذا الي حيستناكي دخل علينا اخوي الكبير وقال وشفيكي قلت هو قال حستناكي استغرب!! من اللي قال حستناكي بعدين قال لامي خلينا لحالنا خلني افهم منها السالفه فطلعت الوالده الله يحفظها.. جاا اخوي وقال ممكن اعرف السالفه انا اعرف انك انسانه عاقله بس تغيرتي كثيير هذي الايام بعض الاحيان افكر و اقول يمكن عشانك تعبانه صارحيني قلت بصارحك اذا اقسمت انك ما تقول لاحد خاصه امي و ابوي فاقسم فقلتله اني مريضه بمرض الاطباء يقولو انه ماله علاج وقلتله انه اسم المرض التصلب اللويحي طبعا حتى هو اول مره يسمع بهذا المرض فقال طيب ليه ما تبي تقولي لاحد قلت لانه المرض يسبب اعاقه و ممكن يوصل لكرسي متحرك فهو انصدم قلت شفت اشلون انصدمت اشلون ابوي و امي بيتحملون ذاا الكلام وهم كبار بالسن ولا عارفين وش مصير بنتهم... فتحتله النت وجلس يقرا عن المرض وقلتله عن قصتي مع الدكتور عادل... دمعت عينه قام وقبلني على جبهتي قال بأذن الله الله قادر انه يشفيكي من عنده و الطب دايم يتطور فدخلت امي و سألته هاا فهمت منها قال ما تعرفينها تلاقيها تبكي على عصفور مات تذكرين يوم كنا نصيد ارنب و ناكله وهي تجلس تبكي طول اليوم حزن على الارنب قالت امي طيب مين قالها حستناكي قلها العصفور اللي لقته ذاك اليومم هي تخيلت انه يقولها حستناكي وهو طار... في عز حزني ضحكت وبعد مروور ايام جاني اخوي قال وش ررايك بلسع النحل سمعت انه زين لذا المرض.. طبعا النحله كانت بالنسبه لي مصدر رعب وسبحان اللي خلاني اسلم امري لله واروح ورحت لمكان لسع النحل وصرت اشوف اطفال يتقطع عليهم القلب طفله عندها ضمور عضلات لدرجةعضلات وجهها يوم تضحك ماتتحررك وشفت حالات تصلب كثير متأخره كان في حالات على كرسي متحرك وحالات اهتزازبالجسم وبعضهم تشنج بالوجه اسئل الله ان يشفيهم و يشفينا وكنت اشوف حالات تبارك الرحمن التصلب في درجته الاولى و كانو فقط يعانو من تنميل بالاطراف وكان في امراض ثانيه مثل الروماتويد و الذئبه الحمرا و و و الله يشفيهم جميعا استغليت وجودي وصرت اتعرف على اللي عندهم تصلب واستفسر عن مرضهم واسبابه واكتشفت انه ولا حاله كانت وراثيه ووحده مدرسه تقول كنت اتنقع بالشمس وش دخل فيتامين د اكتشفت انهالاسباب اللي كاتبينه للتصلب ابداامهي موجوده عند المرضى استمريت على اللسع اربع اشهر تحسن بسيييط... فجتني فكره قررت اروح للمستشفى وانا جالسه على كرسي متحرك واقولهم انا مدري وشفيني و اخفي عنهم مررض التصلب لاني جلست افكر احنا ما انولدنا كذا وش اللي جد فينا وتدهور حالتنا ااكيد العله بشي ثاني ففعلا جلست على الكرسي المتحرك عشان يسون لي فحص شامل وماراح اقولهم عن ىالتصلب و بدءت رحلتي بالمستشفى....
يتبع
|