👀معلومه اغلب الناس حتي الدكاتره ماتعرفهاش..

👀معلومه اغلب الناس حتي الدكاتره ماتعرفهاش..

👀معلومه اغلب الناس حتي الدكاتره ماتعرفهاش..

حاليا الغالبية العظمى من الناس
🫣( حوالي ٧٠٪) في مرحله ما قبل السكر (Prediabetes) وهم أصلًا مش واخدين بالهم..تعالي اثبتلك فعليا بالاعراض اللي موجوده ومحدش واخد باله

✋في الاول تخيّل عداد البنزين في العربية 🚗
العداد بيقولك العربية فيها بنزين قد إيه: مليان، فاضي، أو أي حاجة في النص.
بس في الآخر خالص في حتة حمرا ⛽ بتقولك: إلحق، البنزين بيخلص.

⛔الحتة الحمرا دي بالظبط هي مرحلة ما قبل السكر.
يعني السكر في الدم ابتدى يعلى، بس لسه موصلش لمرحلة مرض السكر الكامل.

⚠️⚠️بس خلّيك عارف: لو مغيرتش حاجة( وقررت تروح محطه البنزين)
، الموضوع حتمي وهتدخل على سكر صريح.

طب✋ قبل ما نوصل لمرحلة ما قبل السكر…

⛔في حاجة بتيجي قبلها اسمها مقاومة الإنسولين.

ومقاومة الإنسولين دي تعتبر سكر قبل السكر.
المشكلة الكبيرة بقى إن:

⚠️⛔أغلب الدكاترة مش بيكشفوا عليها
وفي دكاترة كتير أصلًا مش عارفين التحليل بتاعها او مش مقتنعين بيه

⤵️التحليل ده اسمه HOMA-IR
و بيعتمد على:
سكر صايم ،،،،إنسولين صايم

✅وبنشوف هل جسمك مقاوم للإنسولين ولا لأ.

⚠️الإحصائيات بتقول إن حوالي 33٪ من الناس عندهم مقاومة إنسولين.
بس سؤالي هنا:
👉 طالما التحليل ده مش بيتعمل… إحنا عرفنا الرقم ده منين؟

✅لذلك في الحقيقة الرقم أكبر بكتير
والنسبة الحقيقية ممكن تكون من 60٪ لـ 75٪ من الناس 😳

⛔يعني أغلب الناس حرفيًا عايشين في حالة ما قبل السكر.

⚠️مقاومة الإنسولين بتيجي من إيه؟
⤵️من إنسولين عالي
والإنسولين العالي بييجي من إيه؟
👉 سكر كتير

⛔وعشان كده مهم جدًا تعرف العلامات التحذيرية الاوليه اللي هقولهالك دي واللي بتفهمك إنك داخل على سكر أو بتاكل سكر زيادة

⤵️بالمناسبه صحيح فيه حاجه تدعو للسخريه..ان جمعية القلب الأمريكية بتقول:

⛔الحد الأقصى لاستهلاك السكر يوميا : 6 لـ 9 معالق شاي سكر في اليوم
وده سكر مضاف فقط

طب تعالي للواقع:

الشخص العادي بياخد على الأقل 9 معالق

المراهق العادي بياخد حوالي 18.5 معلقة سكر يوميًا 😱

يعني حوالي 74 جرام سكر
وخد بالك:
المعلقة الواحدة = 4 جرام سكر

طب الكربوهيدرات والنشويات؟

كل الكربوهيدرات بتتحول لسكر
❌ ما عدا الألياف

يعني:عيش مكرونة كورن فليكس
بسكويت كراكرز وافل بانكيك 🫣كل ده في الآخر = سكر
الصدمة بقى 👀ان

متوسط استهلاك الكربوهيدرات اليومي = 275 جرام
يعني:
275 جرام سكر
= 68.8 معلقة شاي سكر

👀رقم مرعب حرفيا
✋يعني تقريبًا نص كيلو سكر في اليوم
❌مش سكر مضاف…
✔️لا، ده السكر اللي جاي من الكربوهيدرات

🌀يعني الناس كلها ماشية ناحية مرض السكر بسرعة الصاروخ 🚀

👀عارفين يعني ايه سكر ببساطة شديدة:

✅النوع الأول:
🌀البنكرياس وقف يطلع إنسولين
❌مفيش إنسولين = السكر يعلى
✔️لازم إنسولين من برة

✅النوع التاني.. المنتشر اكتر واللي بيجي بسببنا احنا

الإنسولين موجود بس مش شغال
⤵️الخلايا مش سامعة الكلام (مقاومة إنسولين)

السكر ده في الدراسات يعتبر
⚠️السبب الأول للعمى
⚠️السبب الأول للفشل الكلوي
⚠️السبب الأساسي لتنميل الأطراف
❌وبيأثر على المخ: زهايمر وخرف (اللي بيتسموا سكر النوع التالت)

🚨فتعالوا اقولكم العلامات التحذيرية الاولي اللي منها تتاكد انك بتدخل جسمك سكر كتير... وفي مرحله ما قبل السكري.. بدون تحليل

1️⃣ كثرة التبول
⛔خصوصًا بالليل
الجسم بيحاول يتخلص من السكر والسكر بيطلع ومعاه مية
🌀يعني كل ما سكر أكتر = بول أكتر

2️⃣ عطش شديد
⛔خصوصًا للمية الساقعة والتلج 🧊
جفاف فم جفاف عام علامة واضحة إنك داخل على سكر

3️⃣ الجوع بين الوجبات
⛔مش بتستحمل من غير سناك
ودايما معاك بار أو حاجة تاكلها
الخلايا جعانة ومش راضية حتى بعد الأكل

4️⃣ زغللة أو تشويش في الرؤية
⛔السكر يسحب المية
و المية تدخل عدسة العين
يحصل تشويش
في عين أو الاتنين

5️⃣ عصبية وسرعة انفعال
⛔تبقى متعصب
وأول ما تاكل تهدى
دي مشكلة سكر/إنسولين

6️⃣ إرهاق ونعاس
⛔حتى لو نايم كويس
خصوصًا بعد الغدا
الإنسولين العالي بينوّم 😴
زي بعد عزومة تقيلة

7️⃣ حكة أو التهابات في المنطقة التناسلية
⛔أو طفح وأحمرار ده كانديدا والكانديدا بتعيش على السكر
⤵️من غير سكر = تموت

🫣ده غير طبعا
⚠️دهون البطن
⚠️الميل للحلويات
⚠️الام الجسم المختلفه بدون سبب واضح
⚠️الكسل والخمول
⚠️النهجان

⤵️كل دي اعراض بتقول انك
❌ بتدخل سكر اكتر من احتياجك وجسمك ماشي في الاتجاه الغلط وعمال يديلك اشارات عشان ترجع تصلح قبل ماتروح في سكه ناس كتير ندمانه انها وصلتلها🫣

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: علاجات تكميلية و فيزيائية