هل ال ms يسبب تساقط الشعر؟

هل ال ms يسبب تساقط الشعر؟

انا عندي MS وشعري بيقع كتير
هل الMS هو السبب ؟؟
الاجابة لا ... واه ف نفس الوقت .. 🤔
ازاي
ال ms كمرض بيصيب الاعصاب بس ..مش بيؤثر عالشعر
طب ايه اللي بيوقعه بكميات مع مريض التصلب ؟
مبدايا من الطبيعي نفقد من ٥٠ ل ١٠٠ شعرة يوميا بس لو التساقط بقى زيادة وملحوظ وادى لفراغات لازم ندور عالاسباب زي
1-الادوية
●بعض الادوية بتاعة التصلب ممكن تعمل كدا
زي التريفلوناميد (الاوباجيو او البيكسوناميد ) بيصاحبها سقوط فالشعر حوالي ١٤% من المرضى اللي بياخدوه ممكن يختبروا تساقط الشعر

المافنكلاد (كلادربين ) بيحصل ل حوالي ٣% من المرضى اللي بياخدوه

ادوية الانترفيرون بيتا (افونكس ،بيتافيرون ) بعض المرضى اللي بياخدوهم ممكن يختبروا تساقط الشعر

●بعض الادوية المناعية للامراض الاخرى (زي الاميوران ،ميثوتريكسات)
بعض الادوية العادية للاعراض زي (مضادات الاكتئاب والصرع )
●الكورتيزون
استخدام الكورتيزون اثناء الهجمات او بشكل مستمر بيؤدي الى اضعاف بصيلات الشعر ودا بيؤدي الى تخفيف الشعر وفقدانه
(يارب السوليمدرول يرجع يتوفر تاني ويبقى يعمل الي هوعايزه🤲)

٢-الضغط العصبي والتوتر المصاحب لرحلة المرض ممكن يزود تساقط الشعر
٣-الغذاء
نقص الفيتاميات زي فيتامين دال (المهم جدا نسبته تكون مظبوطة مع الms) وفيتامين ب واميجا ٣ والحديد
نقص البروتينات ،الغذا الغير متوازن بيأثر طبعا على تساقط الشعر

٤-عوامل وراثية(اشهر الاسباب)
(يعني تساقط الشعر بيكون وراثة فالعيلة اصلا وملوش دعوة بالمرض نفسه وبيحصل فمقدمة الراس ومن فوق )

٥-عوامل صحية تانية
زي امراض الغدة الدرقية ،مرض الثعلبة

ازاي نحسن تساقط الشعر ؟

-نكشف جلدية (خصوصا لو بقى في مساحات فاضية او حكة جامدة

-الاهتمام بعناية الشعر وترطيبه بشكل صحيح وتسريحه بشكل مناسب بدون شد زائد او استخدام مواد كيميائية مضرة

- الاهتمام بالغذا المتوازن الملئ بالفيتامينات خصوصا فيتامين دال واوميجا ٣ وب
و استخدام مكملات البيوتين برضه ممكن يحسن الشعر

-التعامل مع الضغوط العصبية بشكل مختلف وتفريغ الضغط العصبي اول ب اول
-علاج الاسباب المرضية المصاحبة لسقوط الشعر.

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: استفسارات وتساؤلات عن التصلب وأعراضه