علاج الإنتفاخ و مشاكل المعدة

علاج الإنتفاخ و مشاكل المعدة

.بعد البوست ده مستحيل يكون عندك انتفاخ لأي سبب ومتقدرش تعالجه..💯والاهم أنك هتفهم سببه✌

وخلينا متفقين أن الانتفاخ وعسر الهضم اسوأ إحساس👌
خصوصا الوصف اللي بيقولك انك لما تاكل اي حاجه تحس ان بطنك منفوخه

لدرجه بيبقي نفسك تنام مش عارف
وبتاخد نفسك بصوبه بعد الاكل

ودلوقتي هناخد رحله سريعه علي كل عضو في جسمك🚩🚩 ممكن يكون سبب الانتفاخ عشان تقدر تعرفه وتتخلص منه

🟠 أول حاجة: المعدة

لو مفيهاش حمض كفاية
(مثلا بسبب أدوية الحموضة)،
بيحصل:
+ارتجاع
حموضه
انتفاخ
سوء هضم

وسوء الهضم علامة مهمة جدًا إن حمض المعدة قليل.⛔

المعدة هي أول محطة في الهضم.❣️
ولو مفيش حمض كفاية، الأكل هيكمل باقي الجهاز الهضمي مش مهضوم،
وساعتها باقي الأعضاء هتتعب أكتر.

خصوصًا البروتين، محتاج حمض قوي جدا علشان يتكسر👈 صح.

وهنا الحل ببساطه؟🤓
خل التفاح:
ملعقة أو 2 على ميّه
( وطبعا نتاكد ان ما فيش قرحه قبل ما تاخده)
وده بيساعد الهضم جدا

🟡 تاني حاجة: المرارة

وظيفتها تركّز العصارة الصفراوية (الصفراء)،👈
والصفراء دي شبه الصابون، بتكسر الدهون.
المرارة بتركزها حوالي 5 أضعاف
وبعدين تفرزها في الأمعاء الدقيقة مع إنزيمات البنكرياس.

لو المراره كسلانه❌
أو مش موجودة
أو الصفراء قليلة
بيحصل
تجشؤ
غازات
انتفاخ
غثيان
كمان ممكن تحس
بثِقل أو امتلاء تحت الضلع اليمين
ألم في الكتف اليمين
وممكن الألم يوصل للظهر أو الرقبة

و الحل هيكون👈

أملاح صفراوية (Bile salts)

أو مكملات دعم المرارة

وفي اختبار بسيط لو عايز تتأكد أن المشكلة في المراره 😉
اضغط ودلّك تحت الضلع اليمين
لو الألم أو الانتفاخ قلّ → غالبًا محتاجة صفراء زيادة

🟢 تالت حاجة: البنكرياس

ده بقي بيطلع إنزيمات هضم👈
لو الإنزيمات قليلة (مثلا بسبب السكر، كربوهيدرات كتير) أو مواد التهابيه زي الزيوت النباتية والمقليات..
هنا بيحصل التهاب او ارهاق للبنكرياس

وهنا يحصل

إسهال

براز طافي ودهني

انتفاخ شديد

و ده معناه إن الدهون مش بتتهضم، بسبب نقص إنزيم الليبيز.

الحل؟🤓

مكمل إنزيمات هضم شاملة
أكل فيه إنزيمات طبيعية (سلطات)
أكل متخمّر زي مخلل كرنب والكيفير
تقليل الكربوهيدرات والسكريات( عشان تخفف الارهاق)

🔵 رابع حاجة: الأمعاء الدقيقة

دي بقي مسؤولة عن 90% من الهضم.👈
المفروض مفيهاش بكتيريا كتير.
البكتيريا المفيدة مكانها الطبيعي في القولون.

لكن المشكلة إن في ناس بيحصل عندهم تخمّر جوه الأمعاء❌ الدقيقة.
يعني بكتيريا بتتفاعل مع:

كربوهيدرات
ألياف
سكريات
وتطلع غازات.

و النتيجة هنا هتكون

غازات
انتفاخ
احتباس سوائل

الحالة دي بقي اسمها: SIBO – فرط نمو البكتيريا في👌 الأمعاء الدقيقة

و علاماتها الأشهر
😢لما تاخد بروبيوتك تحس إنك أسوأ ويجيلك انتفاخات اكثر
و لما تاكل ألياف أو سلطة الانتفاخ يزيد
وده لأن البكتيريا في المكان الغلط وبتخمّر الأكل بدري.

والحل هنا كالآتي🤓

توقف أي بروبيوتك
و توقف ألياف فترة( خضار وسلطه وفاكهه)

وتمشي نظام Carnivore (من غير خضار) شهر أو شهرين

مع صيام متقطع

وتدخل أعشاب مضادة للبكتيريا الضاره زي

الثوم
القرنفل
الزعتر
المريمية

🟣 خامس حاجة: القولون (الأمعاء الغليظة)

لو المشكلة هنا:
غازات
تخمّر
انتفاخ

بس لما تاخد:
ألياف
بروبيوتك
مخلل متخمر

تحس إنك أحسن → يبقى المشكلة في القولون.
( هنا الموضوع عكس ال SIBO )

السبب هنا بيكون عدم توازن البكتيريا المفيدة.😱
وده بيحصل لناس كتير لأن اغلبنا مش بياكل خضار كفاية.
.
البكتيريا المفيدة محتاجة ألياف تعيش عليها

✅ يبقي ملخص الرغي بتاعي ده كله ( حقكم عليا بس عشان الناس كلها تفهم)

الانتفاخ ممكن يكون سببه:

المعدة →وساعتها هتحتاج حمض يعني خل👈

المرارة → وساعتها تحتاج املاح صفراء👈

البنكرياس → وساعتها تحتاج إنزيمات هاضمه👈

الأمعاء الدقيقة → SIBO👈

القولون → ألياف وبروبيوتك👈

⚠️ واخيرا:
لو مش ماشي على نظام صحي
ولا صيام متقطع
ابدأ بده اول خطوة
لأن أحيانًا مجرد نظام أكل مظبوط وتوقيت أكل صح
بيحل المشكلة كلها من غير مكملات.

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: علاجات تكميلية و فيزيائية