ابغى ترحيب

المشاركة الأصلية كتبت بواسطة جورج عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

خيي سعد معليه بس انا مش معك برأيك انا شايف المسلمين كيف بيتصرفوا مع بعض وفي جار ساكن حدنا انا ساعدته لان خبرني ان كل رفقاته تخلوا وين المسلمين اصحابه ليه ما ساعدوه عنا نحنا بالدين المسيحي بنوقف حد كل محتاج من دينا عن طريق الكنيسة وبتخصص راتب لاي شخص ما بيشتغل ليعينه انتوا دينكم رائع وكل يوم عم أقرا عنه عم أنجذب اكتير من اليوم يلي قبله بس اغلبية المسلمين شايفهم ماعم ينفذوا يلي اجا بدينكم ويعم يسووا العكس تمام
بحب أتشكركم كتير كتير حبيبي محمد يلي اسمك وبالعربي ومحمد يلي اسمه مكتوب بالإنكلش بيظهر كل يلي اسمهم محمد كريمين ومساعدين بس في شي محيرني انا كنت بموقع البارح وكاني فهمت ان القرآن لازم يكون الشخص متوضع قبل ان يلمسه ومافهمت عليهون شو يعني هو في شي لازم اعمله قبل ما اقرأ فيه اعملوا معروف شو القصة وانا ممكن يصير شي فيي يعني هلأ لأني ما عملت هالشي لما قرأت فيه

اهلين اخي جورج
لا تتطلع للناس يلي حوليك اخي وتقيس عليهم فالمجتمع المسلم متله متل اي مجتمع فيه المخلص وفيه غير هيك
وفي حديث عن الرسول الكريم صلى الله عليه وسلم :(حفت الجنه بالمكاره، وحفت النار بالشهوات) والمعنى ان الشهوات هي الطريق الى النار والمكاره هي الطريق الى الجنه ، فمتل هدول الناس بيردوا غير المسلمين عن الاسلام ومع هذا بتلاقي بعض غير المسلمين بيدخلوا للاسلام وتنشرح صدورهم ولا ننسى قول الله تبارك وتعالى (انك لا تهدي من احببت ولكن الله يهدي من يشاء) والكلام موجه لحبيبنا محمد عليه الصلا والسلام والمعنى ان الهداية من الله مهما عمل البشر
ولو اطلعت على قصة اسلام الشيخ يوسف استس ، وهو القسيس الاميركي السابق جوزيف استس ياللي كان يكره الاسلام والمسلمين اشد كره زي ماحكى في اكتر من لقاء تلفزيوني راح تتسائل شو خلى قسيس بيدير كنيسه وكان مبسوط ماديا(كان عندوا مصنع الات موسيقية خاص بالكنائس) بيتحول بهالبساطه؟، وعلى فكره ابوه كان قسيس واسلم قبل يتوفى الله يرحمه.

وهاي حلقات قصة الشيخ يوسف استس مع الاسلام في قناة الرحمه وعلى فكره في غيرها كتير لانه اعاد قصة اسلامه اكتر من مره بس هاي مترجمه عربي

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بالنسبه للوضوء والطهاره قبل تمسك القران لاعليك اخي ممكن تمسك تفسير القران الكريم وتقرا منو وهو افضل في معرفة معاني القران الكريم حتى تتعلم كيفية الوضوء
اسال الله ان يشرح صدرك للاسلام وعلى فكره عندكم في الشام علماء مسلمين عظاااااااام جدا ممكن تستفيد منون حبيبي
دمت بخير اخي