🚨 فوضى الـ ms 💥🔊

🚨 فوضى الـ ms 💥🔊

👈 لما الجسم يستقبل الرساله ❌ غلط
🖖 في مرض التصلب المتعدد المشكله مش دايمًا في العضله ولا في العصب نفسه ، المشكله الحقيقيه أحيانًا إن الرساله العصبيه بتطلع من المخ لكنها توصل مشوهه أو متأخره أو توصل غلط ، وده اللي بنسميه فوضى الـ ms .
🧠 يعني إيه فوضى ؟
🧩 الجهاز العصبي شغال زي شبكه كهرباء ، إشاره تطلع من المخ توصل للنخاع تروح للعضله فتحصل الحركه .
⚡ في الـ ms الغلاف الواقي للأعصاب بيتأثر ، فالإشاره ما بتمشيش بسلاسه .
🔄 النتيجه إن الجسم يستقبل أوامر مش واضحه ، فيطلع رد فعل غريب أو متناقض .
🌀 الفوضى بتظهر إزاي ؟
👣 رجل سخنه وإحساسها ساقعه
⚡ تنميل ييجي ويمشي من غير سبب
🫨 رجفه مفاجئه
🔥 ألم كأن كهربا ماشيه في الجسم
🦵 عضله مش راضيه تسمع الكلام
🪫 إرهاق تقيل من غير مجهود
👁️ عين شايفه لكن المخ مش مترجم الصوره صح
وده كله
❌ مش دلع
❌ مش نفسيه
✔️ دي فوضى إشارات عصبيه
⚠️ ليه الفوضى دي خطيره ؟
🚫 لأنها غالبًا مش بتبان
🤯 فالمريض نفسه يبدأ يشك
🗣️ واللي حواليه يقولوا مفيش حاجه واضحه أو التحاليل سليمه
🧠 والحقيقه إن الفوضى دي بتستنزف الجسم والعقل حتى لو ملهاش شكل ظاهر
🧩 هل الفوضى دي ثابته ؟
❌ لا ، وده أكتر جزء بيعمل مشكله
📅 يوم تبقى كويس فيتحسب إنك تمام
📉 يوم تتعب فيتحسب إنك بتبالغ
👨‍👩‍👧 التأثير بيبدأ من الأهل
👫 ثم الأصدقاء
🏢 ثم الشغل
🌍 ثم البيئه المحيطه كلها
🤷‍♂️ مش عن قسوه ، لكن عن حيره
لأن اللي مش باين صعب يتصدق .
تحاول تشرح إن الإشاره بتوصل غلط ، وإن التعب بييجي من غير سبب ، لكن حتى أبسط تفسير أحيانًا ما يقنعش ،
💥🔥💥 فتدخل في دوامه شرح وإثبات وانت أصلًا مرهق .
♨️ ومع توسع الدائره ، الحمل النفسي يزيد ، والصمت أحيانًا يبقى أسهل من الكلام .
🧠 وأخيرا ليس آخرا 👇
التصلب المتعدد
❌ مش مرض شكل
❌ مش حاله واحده ثابته
✔️ ده مرض فوضى إشارات
ولو ما فهمناش الفوضى دي صح
هنسيء التفسير
ونظلم المريض من غير ما نقصد.

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: استفسارات وتساؤلات عن التصلب وأعراضه