💥 صرخة الـms: ( التنميل )

💥 صرخة الـms: ( التنميل )

لما الأعصاب تسكت والمخ يتكلم !
👇🖖💯☠️❤️‍🩹🖖☝️
لما تحس إن إيدك مش إيدك ورجلك غريبة عنك
فيه دبابيس بيدوسوا من جوه جلدك ل بره ، بس مافيش حد شايف
👌😮👌
💥 يعني إيه " التنميل " في مرض التصلب المتعدد ؟
♨️👁️
هو إحساس غريب في الجلد:
🌀 شكشكة – لسعة – خَدَر – حُرقة
الإحساس ده بيحصل لما فيه عطب في الإشارات العصبيه بين المخ وباقي الجسم
👈 يعني العصب بيتكلم بس الإشاره مش واصله صح ! 👉👉
🌀🌀🌀
📌 التنميل ممكن يظهر فين ؟
♨️👁️
🔹 في الوجه ( أحد أشهر للأماكن )
🔹 في اليدين أو القدمين
🔹 نص الجسم بالكامل
🔹 أو حتى مناطق حساسه زي اللسان أو أطراف الأصابع
🌀🌀🌀
👇🧠 إزاي أعرف إنه عرض من التصلب المتعدد ؟
♨️👁️
✅ 1 – استمر أكتر من 24 ساعه
✅ 2 – مافيش سبب واضح زي جلطه أو ضغط على الأعصاب أو نقص فيتامينات
✅ 3 – غالبًا بييجي مع أعراض تانية أو بعد إرهاق شديد أو توتر نفسي
👇♨️👁️♨️👇
⚠️ بعض الناس بيفتكروا إن التنميل عابر … لكن لو اتكرر أو استمر، لازم فحص طبي عاجل
🌀🌀🌀
💢 طيب أعمل إيه لو التنميل ده حصل فعلاً ؟
🌀❌🌀
1️⃣ سجّل التاريخ والمكان والإحساس
2️⃣ راقب هل بيتنقل ؟ بيزيد ؟ بيخف مع الراحه ؟
3️⃣ تواصل مع طبيبك… لو لسه بيرد
4️⃣ احتمال يبدأ الطبيب كورس كورتيزون لو اعتبره بداية هجمه
---
💡تنويه بسيط عني شخصيا مع التنميل
أنا فاكر أول مرة حصل معايا تنميل، كنت فاكر إنه بسبب برد أو إني نمت غلط واهملت الموضوع بدأ يكبر لغاية ما وصل لعيني وفي ظرف ثلاث ايام حصلي ضمور في العصب البصري وانطفت عيني اليمين .. ودي كانت أول أصابه ليا في المرض والبدايه .. (( الحمد لله ))
🌀🌀🌀
♨️👁️أهالي المرضى والاصدقاء 👁️♨️
المرضى بيفقدوا الإحساس تمامًا … وده مش ضعف فيهم .. ولا بسبب حاجه أذوا نفسهم بيها بمعنى انه غصب عنهم
ده بسبب تلف في غشاء الأعصاب اسمه "الميالين"
يعني السلك سليم، بس العازل اتحرق
🌀🌀🌀
❕ ماذا بعد التنميل ؟
♨️👁️
💊 ممكن يتحسن لوحده
💊 أو يحتاج علاج بالكورتيزون
💊 أو حتى جلسات علاج طبيعي لو كان مصحوب بضعف عضلي
💊 ولو متكرر … ممكن يكون مؤشر لتغيير خطة العلاج المناعي
♨️🖖👁️🖖♨️
❣️🤲 الخاتمة من القلب 🤲❣️

أصعب شيء في عرض التنميل إنه غير مرئي …
والناس تقول لك: " عادي يعني بتحس بإيه ؟ "
لكنك أنت بتتحمل إحساس مؤلم ومخيف وغريب … لوحدك
فـ بوصية محبة ليك وللي حواليك
لو حد قالك " حاسس بتنميل " ما تسألوش " 👈 فين ؟"
أسأله : " حاسس بإيه ؟ واحتويه
🤲♥️🤲

ساعد في النشر والارتقاء بنا عبر مشاركة رأيك في الفيس بوك

المصدر: منتديات حبة البركة - من قسم: استفسارات وتساؤلات عن التصلب وأعراضه